پلوامہ 24 فروری 2024 ئ مقامی کمیونٹی کے ساتھ مشغول ہونے اور ان کے خدشات کو دور کرنے کی ایک فعال کوشش میں کمشنر سیکرٹری صنعت و تجارت ( آئی اینڈ سی ) وکرم جیت سنگھ نے آج یہاں سرکٹ ہاوس میں ایک عوامی دربار کی صدارت کی ۔ اس تقریب نے رہائشیوں کو اپنے مسائل پر آواز اٹھانے ، شکایات بانٹنے اور حکومتی حکام سے حل تلاش کرنے کا ایک پلیٹ فارم فراہم کیا ۔ تقریب کا آغاز ڈپٹی کمشنر پلوامہ کے پرتپاک استقبالیہ خطبہ سے ہوا جس میں انتظامیہ اور کمیونٹی کے درمیان مکالمے اور تعاون کو فروغ دینے میں اس طرح کے اقدامات کی اہمیت پر زور دیا ۔ عوامی دربار کے دوران وکرم جیت سنگھ نے عام لوگوں کو درپیش مسائل اور مشکلات کو غور سے سُنا اور کمیونٹی کو متاثر کرنے والے بنیادی مسائل کو سمجھنے کے عزم کا مظاہرہ کیا ۔ عوام کے اراکین کو کھلے دل سے اپنے خدشات کا اظہار کرنے کی ترغیب دی گئی اور کمشنر سیکرٹری نے انہیں ان کی شکایات کے بروقت ازالہ اور پیروی کا یقین دلایا ۔ کمشنر سیکرٹری نے شہریوں کی ضروریات اور امنگوں کو موثر طریقے سے حل کرنے کیلئے باہمی تعاون کے ساتھ کوششوں کی اہمیت پر زور دیتے ہوئے حاضرین سے تعمیری آراءاور تجاویز کی حوصلہ افزائی کی ۔
انہوں نے انہیں حکومت کی مسلسل حمایت کا یقین دلایا اور ان پر زور دیا کہ وہ اجتماعی ترقی اور فلاح و بہبود کیلئے اپنے تاثرات اور خدشات کا تبادلہ کرتے رہیں ۔
قبل ازیں کمشنر سیکرٹری نے مختلف محکموں کی طرف سے لگائے گئے سٹالز کا بھی معائینہ کیا اور پہلے سے طے شدہ اہداف کو حاصل کرنے پر توجہ دیتے ہوئے مختلف اسکیموں کے تحت ہونے والی پیش رفت کا جائیزہ لیا ۔
بعد ازاں انہوں نے مختلف مرکزی اسپانسر شدہ اسکیموں کے تحت منتخب مستفیدین میں مبارکبادی سرٹیفکیٹ ، منظورے نامے تقسیم کئے ۔
اس موقع پر ڈی ڈی سی چئیر پرسن نے بھی خطاب کیا ۔
