ڈائریکٹر جنرل سشسترا سیما بل کا دورہ کشمیر مکمل ،لوک سبھا انتخابات اور امر ناتھ یاترا کے پرامن انعقاد کے لیے مکمل تعاون کریں :ڈی جی ایس ایس بی

سرینگر ڈائریکٹر جنرل سشسترا سیما بل (SSB) دلجیت سنگھ چودھری نے پیر کو سیکورٹی فورسز کے تمام ونگز پر زور دیا کہ وہ آئندہ لوک سبھا انتخابات اور سالانہ امرناتھ یاترا 2024 کے پرامن انعقاد کے لیے مکمل تعاون کریں۔کشمیر نیوز سروس ( کے این ایس ) کے مطابق ڈی جی ایس ایس بی نے ان باتوں کا اظہار وادی کشمیر کے اپنے دو روزہ دورے کے دوران کہے جہاں انہوں نے عام پارلیمانی انتخابات (جی پی ای) 2024سے قبل ایس ایس بی کی تعیناتیوں کی آپریشنل تیاریوں کا جائزہ لیا۔اپنے دورے کے دوران، ڈائریکٹر جنرل نے سری نگر کے سیکٹر ہیڈ کوارٹر (Spl-Ops) سے شروع ہوکر مختلف اہم مقامات کا معائنہ کیا۔ یہاں انہوں نے وادی میں ایس ایس بی کی تعیناتیوں کے کام کاج کے بارے میں تفصیلی بریفنگ حاصل کی۔سانک سمیلن‘ کے دوران جوانوں سے خطاب کرتے ہوئے اور ’بڑا خانہ‘ میں شرکت کرتے ہوئے، ڈی جی نے ان کی لگن کی تعریف کی اور آپریشنل سیکٹر میں ڈیوٹی میں نظم و ضبط کی اہمیت پر زور دیا۔انہوں نے وادی میں 10ویں بٹالین ایس ایس بی بٹاملو (سری نگر)، 13ویں بٹالین ایس ایس بی ڈگنیبل (گاندربل) اور ایس ایس بی کی ایڈہاک الیکشن بٹالینز کا بھی دورہ کیا، وہاں تعینات جوانوں سے براہ راست بات چیت کی۔ انہوں نے ان کے تحفظات کو غور سے سنا اور ان کے حل کے لیے موقع پر ہی ہدایات جاری کیں، ان کی فلاح و بہبود کے لیے اپنے عزم کا اعادہ کیا۔ وہ جوانوں کے ساتھ ہولی کی تقریبات میں شامل ہوئے، رنگ برنگے پھول نچھاور کیے اور ایس ایس بی اہلکاروں اور ان کے اہل خانہ کو اپنی دلی خواہشات کا اظہار کیا۔ایس ایس بی کے اہلکاروں کے ساتھ مشغول ہونے کے علاوہ، ڈائرکٹر جنرل نے پولیس، سی اے پی ایف اور دیگر ایجنسیوں کے سینئر پولیس افسران سے ملاقات کی، جی پی ای 24 اور آنے والے سانجے 2024 کے پرامن انعقاد کے لیے مکمل ہم آہنگی کی ضرورت پر زور دیا۔اپنے دورے کو جاری رکھتے ہوئے، ڈی جی نے ہمہامہ میں این ایس جی ڈٹچمنٹ کا دورہ کیا، جہاں انہوں نے اہلکاروں اور افسران سے بات چیت کی۔ انہوں نے وادی میں این ایس جی کی سرگرمیوں کا جائزہ لیا اور کسی بھی ہنگامی صورتحال کے لیے تیاری کو برقرار رکھنے کے لیے مسلسل تربیت اور معیاری مشقوں کی پابندی کی اہمیت پر زور دیا۔ڈائریکٹر جنرل کے ہمراہ امتیاز اسماعیل پرے، آئی پی ایس، ڈی آئی جی، اور ایس ایس بی اور این ایس جی کے دیگر گراو¿نڈ کمانڈر تھے، جنہوں نے خطے میں سلامتی اور استحکام کو یقینی بنانے کے لیے باہمی تعاون پر زور دیا۔یہ دورہ 25 مارچ 2024کو اختتام پذیر ہوا، ڈائرکٹر جنرل نے مختلف مقامات پر ایس ایس بی اور این ایس جی کے جوانوں کے ساتھ ہولی ملن کا جشن منایا، انہیں اور ان کے اہل خانہ کو ہولی اور رمضان کی مبارکباد دی۔