لیفٹیننٹ گورنر کا شری کُبیر ناتھ رائے میموریل لیکچر سے خطاب

غازی پور /اُترپردیش//05مئی2024ئلیفٹیننٹ گورنر منوج سِنہانے آج غازی پور میں شری کُبیر ناتھ رائے میموریل لیکچر سے خطاب کیا۔اُنہوں نے عظیم مضمون نگار ، سکالر اور شاعر شری کُبیر ناتھ رائے کو خراجِ عقیدت پیش کرتے ہوئے قوم کی تعمیر میں ان کی اہم خدمات کو یاد کیا۔لیفٹیننٹ گورنر نے کہا ،” شری کُبیر ناتھ رائے نے ہندی اَدب کو مالا مال کیا اور وہ دانشورانہ ترغیب کا ایک بہت بڑا ذریعہ ہیں۔ اُن کے مضامین قارئین کو نئے خیالات اورنقطہ نظر کو دریافت کرنے کا موقعہ فراہم کرتے ہیں۔“لیفٹیننٹ گورنر نے یادگاری تقریب میں شری کُبیر ناتھ رائے کے نظریات اور اَقدار کو یاد کیا اور اُنہوں نے کہا کہ وہ ہندوستانیت کی روح کی زندہ مثال ہیں جنہوں نے قومی اتحاد کو مضبوط کرنے کے لئے اَدب اور ثقافت کی لگن کے ساتھ خدمت کی۔اُنہوں نے کہا کہ شری کُبیر ناتھ رائے نے اَپنی ضخیم اَدبی تخلیقات کے ذریعے قدیم نظریات اور اَقدار کو فروغ دیا اور پرانے تصورات کو توڑ کر نئے خیالات کی حوصلہ افزائی بھی کی۔ لیفٹیننٹ گورنر نے کہا کہ اَپنے کاموں میں اُنہوں نے ملک کی ترقی کو نئی جہتیں دیں اور ترقی ، اَمن اور ہم آہنگی میں لوگوں کے کردار پر زور دیا۔لیفٹیننٹ گورنر نے اِس بات کو یقینی بنانے کے لئے وقف کوششوں پر زور دیا کہ ان کی تخلیقات دوسرے خطوں کے قارئین کے لئے دستیاب ہوں اور اس کا مختلف زبانوں میں ترجمہ کیا جائے تاکہ قارئین کی ایک بڑی تعداد اُن کے عظیم کاموں تک رَسائی حاصل کر سکے۔