سری نگر :۶،جون: : مرکزی وزیر داخلہ امت شاہ نے جمعہ کو کہا کہ وزیر اعظم نریندر مودی کو لوک سبھا کا لیڈر، بی جے پی اور این ڈی اے پارلیمانی پارٹی کا لیڈر نامزد کرنے کی تجویز ملک کی آواز ہے۔جے کے این ایس کے مطابق نئی دہلی میں قائم پرانے پارلیمنٹ ہاﺅ س کے سینٹرل ہال میں منعقدہ بی جے پی اور این ڈی اے کے نومنتخب ارکان پارلیمان کی میٹنگ میں اس تجویز کی حمایت کرتے ہوئے جسے بی جے پی کے سینئر لیڈر راج ناتھ سنگھ نے این ڈی اے پارلیمانی میٹنگ میں پیش کیا تھا، امت شاہ نے کہاکہ یہ تجویز نہ صرف یہاں بیٹھے لوگوں کی خواہش ہے۔ یہ ملک کے140 کروڑ لوگوں کی تجویز ہے۔ انہوںنے کہاکہ یہ ملک کی آواز ہے کہ پی ایم مودی اگلے 5 سال تک ملک کی قیادت کریں گے۔اس موقع پر راج ناتھ سنگھ نے کہا کہ وزیر اعظم مودی کی طرف سے چلائی جا رہی موثر حکومت کی وجہ سے این ڈی اے حکومت کو پوری دنیا سے پذیرائی ملی۔انہوںنے کہاکہ کابینہ میں ان کے ساتھی کے طور پر، صرف میں ہی نہیں، بلکہ تمام ہم وطنوں نے مودی جی کی کارکردگی، کارگزاری، دور اندیشی اور صداقت کو دیکھا ہے۔راج ناتھ سنگھ نے مزید کہاکہ یہ ہم سب کے لیے خوشی کی بات ہے کہ این ڈی اے حکومت کے تحت گزشتہ 10 برسوں کے دوران انھوں نے قوم کے لیے جو خدمت کی ہے، اس کی نہ صرف ہندوستان بلکہ پوری دنیا میں تعریف کی جا رہی ہے۔
