سری نگر/20دسمبر2024ئوزیر برائے جل شکتی ، جنگلات و ماحولیات اور قبائلی امور جاوید احمد رانا نے جموں و کشمیر کے ہر گھر کو پینے کا صاف پانی فراہم کرنے کے حکومت کے عزم کا اعادہ کرتے ہوئے آج چنی ہمت کے پنچ مندر میں ایک ٹیوب ویل کا اِفتتاح کیا۔ اِ س موقعہ پر رُکن قانون ساز اسمبلی چودھری وِکرم رندھاوا کے ساتھ دیگر اَفسران اور مقامی باشندے بھی موجود تھے۔جاویداحمد رانا نے کہا کہ ٹیوب ویل کی تعمیر سے علاقے میں پانی کی فراہمی میں ِاضافہ ہوگا اور رہائشیوں کو بہت زیادہ سہولیت اور آسانی ہوگی۔واضح رہے کہ وزیر موصوف نے حال ہی میںاِن ٹیوب ویلوںکے اِفتتاح کی ہدایت دی تھی جو فعال ہونے کے لئے تیار ہیں۔اُنہوں نے معیار کے سٹینڈرڈ پر عمل کرنے کی اہمیت پر زور دیتے ہوئے سنجے نگر اور وہور کیمپ میں دیگر دو ٹیوب ویلوں پر زیر اِلتوا¿ کاموں کو مقررہ مدت میں مکمل کرنے کے لئے سخت کوششیں کرنے پر زور دیا۔چنی کے ٹیوب ویل میں 2.00 لاکھ گیلن پانی کی گنجائش ہوگی اور اِس سے 10 ہزار گیلن پانی فی گھنٹہ کا محفوظ اِخراج ہوگا۔
