سید اعجاز
اونتی پورہ//پلوامہ کے رتنی پورہ نامی گاﺅں سے تعلق رکھنے والے ایک 20سالہ نوجوان یاسر احمد ریشی نے منشیات کے استعمال سے نوجوانوں کو پرہیز اور اس کے تباہی سے بیداری لانے کے غرض سے اتوار کی صبح جنوبی کشمیر کے قاضی گنڈ ٹنل سے ایک دوڑ کی شروعات کر کے سرینگر میں کچھ گھنٹوں کے بعد سرینگر پہنچ گیاہے ۔اس موقعے پر جے کے این پی ایف کے جنوبی کشمیر کے انچارج معشوق میر نے نوجوانوں کو جھنڈی دکھا کر قاضی گنڈ سے سرینگر کے لئے روانہ کیا ۔اس دوران قاضی گنڈ سے سرینگر تک نوجوان کوجگہ جگہ پر پولیس اورمحکمہ صحت نے ان کا تعاون کیا جس کے لئے انہوں نے ان سب کا شکریہ ادا کی۔ یا سر نے اونتی پورہ کے مقام پرنمائندے کے ساتھ بات کرتے ہوئے بتایا کہ میں ڈپٹی کمشنرپلوا مہ،ایس ایس پی پلوامہ اور معشوق احمد میر کا مشکور ہوں نے جنہوں نے مجھے مدد کی ہے ۔نوجوان نے4بجے اپنا ٹارگٹ پوا کیا ہے اور اس کے بعد اپنی آبائی گھر رتنی پورہ پہنچ گیا جہاں لوگوں نے انہیں مبارک باد پیش کر کے زبردست خوشی کا اظہار کیا ہے لوگوں نے اس موقعے سرکار سے اس طرح کے نوجوانوں کی حوصلہ افزائی کا مطالبہ کیا ہے۔
