محکمہ تعلیم کے بلند بانگ دعوے سراب ثاب ثابت

سید اعجاز
ترال//سب ضلع ترال کے مختلف علاقوں میں قائم سرکاری تعلیمی اداروں میں زیرتعلیمی بچے ایک ماہ سے زیادہ وقت گزر جانے کے باجود نصابی کتابوں سے محروم ہیں جس کی وجہ سے والدین کے ساتھ ساتھ بچے بھی مشکلات سے دو چار ہیں ۔ کچھ علاقوں سے تعلق رکھنے والے والدین نے بتایا کہ ان کے بچوں کو کسی کو دو کسی کو ایک یا کسی کو تین کتابیں فراہم کی گئی ہے ان میں سے بھی کچھ بچوں کو پرانی کتابیں دی گئی ہے ۔والدین نے بتایا ایک طرف محکمہ تعلیم بلند بانگ دعوے کر رہا ہے کہ تمام مکمل نصابی کتابین فراہم کی گئی ہے ۔والدین نے بتایا سکول سے زون تک جب وہ اس حوالے سے بات کرنا چاہتے ہیںکسی افسر سے ان کی بات نہیں سنی جاتی ہے ۔انہوں نے بتایا اگر سرکاری کتابیں فراہم کرنے کی حالت میں نہیں ہے تو انہیں بتانا چاہے تھا۔والدین کا کہنا تھا کہ نجی سکولوں نے نصاب کا ایک بڑا حصہ مکمل کیا اور سرکاری تعلیمی اداروں میں کتابیں نہیں ہے۔اس دوران ذرائع سے معلوم ہوا ہے کہ ایک ماہ قبل محکمہ کی جانب سے اساتذہ کو سخت ہدایات دئے گئے ہیں کہ وہ نصابی کتابوں کے حوالے سے کسی بھی جگہ کوئی شکایت نہ کریں اور میڈیا کے سامنے بھی بات نہ کریں ۔ لوگوں نے سوال کیا ہے کہ محکمہ انرول منٹ مہم اور عید ملن منا رہا تھا لیکن بناءتعلیم فراہم کرنے کے ۔والدین محکمہ کے اعلیٰ حکام سے اپیل کی ہے کہ سرکاری سکولوں میں زیر تعلیم بچوں کو تمام نصابی کتابیں صوابط کے مطابق فراہم کریں ۔ تاکہ ان کے بچون کا قیمتی سال ضائع نہ ہوں ۔