سری نگر :۰۱،جون: : جموں وکشمیر حکومت نےسیول انتظامیہ میں بڑے پیمانے پر ردوبدل کے تحت منگل کے روز مرکز کے زیر انتظام علاقے جموں و کشمیر کے مختلف محکموں اور اضلاع میں تعینات 135جے کے اے ایس افسران کے تبادلے اور تعیناتی سے متعلق2احکامات جاری کردئیے۔جے کے این ایس کے مطابق کمشنر سکریٹری ایم راجو کے ذریعہ10 جون2025 کو جاری کردہ حکومتی حکم یعنی گورنمنٹ آرڈرنمبر 686-JK)GAD)آف2025کے مطابق جموں وکشمیر کے مختلف اضلاع اور محکموںمیں تعینات 134 جموں و کشمیر ایڈمنسٹریٹو سروسز (جے کے اے ایس) افسران کے تبادلے اور تعیناتی کا حکم دیاگیاہے۔انتظامیہ کے مفاد میں حکومت کی طرف سے جاری کردہ ایک حکم کے مطابق، بشیر احمد ڈار جے کے اے ایس، منیجنگ ڈائریکٹر، جے کے پی سی سی، کو فوری اثر کےساتھ دستیاب اسامی پر جموں و کشمیر پبلک سروس کمیشن کے سیکرٹری کے طور پر تعینات کیا گیا ہے۔راجندر سنگھ تارا، جے کے اے ایس، ڈائریکٹر جنرل، یوتھ سروسز اینڈ اسپورٹس، جے اینڈ کے، کو کنٹرولر، لیگل میٹرولوجی، جموں و کشمیر کے طور پر تبدیل کرکے تعینات کیا گیا ہے۔ محترمہ نیتو گپتا، جے کے اے ایس، محکمہ خزانہ میں سکریٹری، کا تبادلہ کرکے محکمہ زراعت کی پیداوار میں سکریٹری کے طور پر تعینات کیا گیا ہے۔محترمہ سمیتا سیٹھی،جے کے اے ایس، صنعت و تجارت کے محکمے میں سکریٹری، کو ایک دستیاب اسامی پر تبدیل کرکے کمشنر، فوڈ اینڈ ڈرگ ایڈمنسٹریشن، جموں وکشمیر تعینات کیا گیا ہے۔ محترمہ انورادھا گپتا، جے کے اے ایس، کنٹرولر، لیگل میٹرولوجی، جے اینڈ کے، کو تبدیل کرکے ڈائریکٹر جنرل، یوتھ سروسز اینڈ اسپورٹس، جے اینڈ کے تعینات کیا گیا ہے۔محترمہ متھورا معصوم، جے کے اے ایس، حکومت کی اسپیشل سکریٹری، محکمہ سیاحت، کا تبادلہ اور مسٹر شفاعت سلطان کی جگہ منیجنگ ڈائریکٹر، جے اینڈ کے فائنانشل کارپوریشن کے طور پر تعیناتی کی گئی ہے، جنہیں جنرل ایڈمنسٹریشن ڈیپارٹمنٹ میں ایڈجسٹمنٹ کے مزید احکامات کا انتظار ہے۔ عبدالحفیظ شاہ، جے کے اے ایس ، ڈویڑنل کمشنر، کشمیر کے دفتر میں ایڈجسٹمنٹ کے احکامات کا انتظار کر رہے ہیں، کو حکومت کے انفارمیشن ٹیکنالوجی ڈیپارٹمنٹ کے خصوصی سیکرٹری کے طور پر تعینات کیا گیا ہے۔مذکورہ بالاحکومتی حکم نامے کے تحت مشیر احمد، جے کے اے ایس، حکومت کے خصوصی سکریٹری، محکمہ سماجی بہبود کو تبدیل کرکے مشن ڈائریکٹر، آئی سی ڈی ایس، جے اینڈ کے تعینات کیا گیا ہے۔ نواب دین، جے کے اے ایس، ریجنل ڈائریکٹر، سروے اینڈ لینڈ ریکارڈز (سابقہ سیٹلمنٹ آفیسر) ادھم پور، کو تبدیل کرکے کسٹوڈین جنرل، جموں و کشمیر کے طور پر تعینات کیا گیا ہے۔ گلزار احمد ڈار، جے کے اے ایس، حکومت کے اسپیشل سیکریٹری، اسکول ایجوکیشن ڈپارٹمنٹ، کو تبدیل کرکے حکومت، منصوبہ بندی، ترقی اور نگرانی کے محکمے میں اسپیشل سیکریٹری کے طور پر تعینات کیا گیا ہے۔محمد ممتاز علی، جے کے اے ایس، ڈائریکٹر، دیہی ترقی، جموں، کا تبادلہ اور ڈائرکٹر، قبائلی امور، جموں و کشمیر، غلام رسول، جے کے اے ایس کی جگہ تعیناتی کی گئی ہے، جو جنرل ایڈمنسٹریشن ڈیپارٹمنٹ میں ایڈجسٹمنٹ کے مزید احکامات کا انتظار کریں گے۔مذکورہ بالاآرڈر کے مطابق جن دیگر جے کے اے ایس افسران کے تبادلے اورنئی جگہوں پر تعیناتی عمل میں لائی گئی ہے ،اُن میں رشپال سنگھ، کشوری لال، ،منصور اسلم چودھری، ، پنکج گپتا، شہناز اختر، فیاض احمد بانڈے، محترمہ پریرنا رینا، محترمہ ریمپی اوہری، ڈاکٹر سباش چندر، وید پرکاش، پردیپ سنگھ، غالب محی الدین شاہ، میر افروز، کرشن لال، نذیر احمد میر، راکیش کمار، محترمہ کنچن بالا، سدرشن کمار، سنیل کمار، محترمہ سباح مہتا، محترمہ وناکشی کول، دیویندر سنگھ بھاو ¿، محترمہ دیپیکا رانا،خالد حسین ملک، ریاض احمد شاہ، ایم ایس۔ پرمجیت سنگھ، رومن احمد، چاند کشور شرما، وسیم راجہ، غلام نبی بھٹ، ظہور احمد رینا، اشونی کمار، غلام محمد بھٹ، اشوک کمار، شازیہ کوسر، وریندر کمار منیال، کلبھوشن کھجوریہ، محمد روف رحمن، جوگندر سنگھ جسروٹیا، راجیش لکھن، راجیو کمار، راجیش کمار، راجیش کمار، راجیو کمار، راجیو کمار انیرودھ رائے،آفاق احمد، الیاس احمد نصرو، فرید احمد کوہلی، بابو رام ٹنڈن، کلراج سنگھ، سوارن سنگھ، کسم چب، نزہت خورشید، رئیس احمد بھٹ، گیاس الحق، رضوان اصغر، شہزادہ نورالحامد، محمد عمران خان، وکاس آنند، گوردیو علی احمد، سرجج کمار، سرجج احمد، شرجیل احمد، نور الحامد ہرپال سنگھ، سانچی مشرا، محترمہ منتاشا بنتی راشد، اعزاز احمد شاہ، امیش شرمابھی شامل ہیں۔جبکہ گورنمنٹ آرڈرنمبر 684-JK)GAD)آف2025کے مطابق اندرجیت جے کے اے ایس کو کمشنر سروے اینڈ لینڈریکارڈس تعینات کیاگیا ہے۔
