نائب وزیراعلیٰ نے بانڈی پورہ میں کلیدی ترقیاتی منصوبوں کی پیش رفت کا جائزہ لینے کیلئے تفصیلی دورہ کیا

بانڈی پورہ/10جون 2026ئنائب وزیر اعلیٰ سریندر کمارچودھری نے آج ضلع بانڈی پورہ کاتفصیلی دورہ کیا اور ضلع میں جاری کئی اہم ترقیاتی منصوبوں کا معائینہ کرتے ہوئے ان کی پیش رفت کا جائزہ لیا۔ دورے کے دوران نائب وزیراعلیٰ کے ہمراہ ممبر قانون ساز اسمبلی بانڈی پورہ نظام الدین بٹ اور رُکن اسمبلی سونا واری ہلال اکبر لون بھی تھے۔
اُنہوںنے اِس بات پر زور دیا کہ تمام منصوبوں پر کام مقررہ مدت میں مکمل کیا جائے اور معیار پر کوئی سمجھوتہ نہ کیا جائے تاکہ عوام کو جلد از جلد ان منصوبوں کے فوائد حاصل ہو سکیں۔نائب وزیراعلیٰ نے نانی نارہ سنبل میں 1×20 میٹر ڈبل لین کمپوزٹ پُل کے جاری تعمیراتی کام کا معائینہ کیا اور کام کی رفتار کا جائزہ لیا۔ اُنہوں نے عمل آوری ایجنسیوں کو ہدایت دی کہ کوالٹی پیرا میٹروں پر سختی سے پابندی کی جائے اور منصوبے کی بروقت تکمیل کے لئے کام میں مزید تیزی لائی جائے۔