ترال//ترال کے معروف دینی ادارے دار العلوم نور السلام کے مہتمم اور جامع مسجد نور السلام کے واعظ مولانا قطب الدین کے ساکن نور آباد ترال کی رفیقہ حیات اتوار کے روز بعد دوپہر انتقال کر گئیں۔مرحومہ کے وفار پر مختلف طبقہ یائے فکر سے تعلق رکھنے والے لوگوں نے دکُھ اور افسوس کا اظہار کرتے ہوئے پورے خاندان خاص کر مولانا قطب الدین صاحب کے ساتھ تعزیت کا اظہار کیا ہے۔ممبر اسمبلی ترال رفیق احمد نائیک نے اپنے تعزیتی پیغام میں مرھومہ کے وفات پر گہرے دکھ اور افسوس کا اظہار کرتے ہوئے پورے خاندان کے ساتھ تعزیت کا اظہار کیا ۔اس دوران
جامع الاخلاص ترال کے چیر مین ڈاکٹر نثار احمد بٹ ترالی نے اپنے ایک پیغام میں کیا ہے۔نہایت ہی افسوس اور گہرے رنج و غم کے ساتھ یہ خبر موصول ہوئی کہ معروف دینی شخصیت، مبلّغِ نور الاسلام ترال، محترم مولوی قطب الدین صاحب (ساکن ترال پائین) کی رفیقہ حیات داعی اجل کو لبیک کہہ کر اس دارِ فانی سے رخصت ہو گئیں۔اس دکھ کی گھڑی میں جامع الاخلاص کا ہر فرد اور انتظامیہ سوگوار خاندان کے ساتھ مکمل ہمدردی اور یکجہتی کا اظہار کرتی ہے۔ہم اللہ تبارک و تعالیٰ کے حضور دست بدعا ہیں کہ:مرحومہ کی تمام بشری لغزشوں کو معاف فرما کر اپنے جوارِ رحمت میں جگہ عطا فرمائے۔انہیں جنت الفردوس میں اعلیٰ و ارفع مقام نصیب فرمائے۔سوگوار خاندان، بالخصوص محترم مولوی قطب الدین صاحب کو یہ عظیم صدمہ صبر و استقامت سے برداشت کرنے کی توفیق اور صبرِ جمیل عطا فرمائے۔
ادھر سٹیزنز کونسل ترال کے چیر مین فاروق ترالی نے بھی ایک پیغام میں کنبے کے ساتھ خاص کر مولانا قطب الدین صاحب کےءساتھ تعزیت اور ہمدردی کا اظہار کیا ہے۔ادھرترال کے سینئر جرنلسٹ سید اعجاز نے بھی پورے خاندان کے ساتھ تعزیت کا اظہار کر کے مرحوم کے حق میں دعا مغفرت اور لواحقین کے صبر جمیل کی دعا کی ہے ۔
