سرینگر کے سونہ وار علاقے میں دوران شب آگ کی ہولناک واردات میںدو رہائشی مکان جل کر خاکستر ہو گئے ۔ ادھر رکھ پلوامہ میں بادل گرجنے کے بعد دو گائو خانوں میں پُر اسرار طور پر آگ لگنے سے ان میںموجود لاکھوں روپے مالیت کا سامان جل کا راکھ کی ڈھیر میں تبدیل ہو گیا ۔ سی این آئی کواس ضمن میںنمائندے سے ملی تفصیلات کے مطابق رکھ لیتر پلوامہ علاقے میں منگل کی شام اس وقت سنسنی کا ماحول پھیل گیا جب بادل گرجنے کے ساتھ ہی دو گائو خانوں میں اچانک آگ نمودار ہوئی ۔ معلوم ہوا ہے کہ محمد یوسف میر کے گائو خانوں میں اچانگ آگ نمودار ہوئی جس کے بعد مقامی لوگوں نے اگرچہ آگ بجھانے کیلئے کارورائی شروع کر دی تاہم جب تک آگ پر قابو پا لیا گیا تب تک دو گائو خانے مکمل طور پر جل کر خاکستر ہو گئے تھے اور ان میں موجود لاکھوں روپے مالیت کا سامان راکھ کی ڈھیر میں تبدیل ہو گیا تھا ۔ اسی دوران پالہ پورہ سونہ وار علاقے میں درمیانی شب کو آتشزدگی کی واردات کے دوران دو رہائشی مکان خاکستر ہوئے ہیں۔معلوم ہوا ہے کہ آگ لگنے کے ساتھ ہی مقامی لوگوں نے محکمہ فائر اینڈ ایمرجنسی کو مطلع کیا جنہوں نے موقعہ پر پہنچ کر آگ بجھانے کیلئے کارورائی شروع کر دی تاہم جب تک آگ پر قابو پا لیا گیا تب تک محمد فاروق پرے ، فاروق احمد پرے اور بلال احمد پرے کے دو مکان مکمل طورپر خاکستر ہوئے اور اْن میں موجود لاکھوں روپیہ مالیت کی املاک بھی راکھ کے ڈھیر میں تبدیل ہوئی۔پولیس کے ایک سنیئر آفیسر نے اس کی تصدیق کرتے ہوئے بتایا کہ معاملے کی نسبت کیس درج کر لی گئی ہے اور واقعہ کی تحقیقات جاری ہے ۔
