چیف سیکرٹری ڈاکٹر ارون کمار مہتا نے آج محکمہ سے کہا کہ وہ یوٹی ڈیش بورڈ اور ’’ آپ کا موبائیل ہمارا دفتر‘‘ایپ کی ڈیولپمنٹ کو تیز کرے تاکہ جموںوکشمیر کو اَگلے تین ماہ میں مکمل طور پر ڈیجیٹل بنایا جاسکے۔اُنہوں نے اِن باتوں کا اِظہار یوٹی ڈیش بورڈ کی ترقی کا جائزہ لینے کے لئے منعقدہ میٹنگ میں کیا۔میٹنگ میں آئی ٹی سیکرٹری اور شناخت شدہ خدمات پر مبنی محکموں کے سیکرٹریوں نے شرکت کی۔پورٹل کا مقصد سرکاری محکموں کی مختلف ترقیاتی سکیموں اور سرگرمیوں کی پیش رفت پر نظر رکھنا ہوگا اور جموںوکشمیر حکومت کے اعلیٰ اَفسران کو سِنگل پوائنٹ ویو اور نگرانی کے قابل بنائے گا۔سکیموں کی عمل آوری کا انداز متعلقہ محکموںکی طرف سے شناخت کئے گئے اور مقرر کردہ اہم کارکردگی کے اِشاریوں کی بنیادپر مقررہ وقت کی بنیاد پر کیا جائے گا۔چیف سیکرٹری نے آئی ٹی ڈیپارٹمنٹ سے ڈی جی جی آئی ڈیش بورڈ کو 50 اِشارے اور 140 ڈیٹا پوائنٹس کے ساتھ مربوط کرنے سے یوٹی ڈیش بورڈ کے ساتھ 55 مستفید ہونے والی سکیموں کو بھی شامل کرنے کے لئے کہا تاکہ یوٹی ڈیش بورڈ کو مقررہ وقت میں تمام سکیموں کے لئے وَن سٹاپ ویونگ / مانیٹرنگ پلیٹ فارم بنایا جاسکے ۔اُنہوں نے کہا کہ ڈیش بورڈ کے دائرہ کار کو آگے بڑھاتے ہوئے تمام محکموں کو تفویض کردہ ڈیلیوریبل سمیت مزید سکیموں اور خدمات کو شامل کر کے مزید بڑھایا جاسکتا ہے۔اِس سے قبل آئی ٹی سیکرٹری پریرنا پوری نے ڈیش بورڈ کو تیار کرنے میں حاصل ہونے والی پیش رفت پر ایک چھوٹی پرزنٹیشن پیش کی اور اِس پہل اور ’’ یووَر موبائیل آئوٹ آفس‘‘ ایپ کو رول آئوٹ کرنے کے لئے اُٹھائے جانے والے اِقدامات کا خاکہ پیش کیا۔پریرنا پوری نے کہا کہ ’’ آپ کا موبائیل ہمارا دَفتر‘‘ ایپ ترقی کے آخری مراحل میں ہے اوراسے جلد متعارف کیا جائے گا۔اُنہوں نے کہا کہ شروع میں اس ایپ کو صرف پانچ سروسز آن لائن اینڈ ٹو اینڈ کی بنیاد پر فراہم کرنے کے قابل بنائے جائیں گے اور اس عمل میںسیکھے گئے اسباق کی بنیاد پر خدمات کیتعداد کو آگے بڑھایا جائے گا۔ڈاکٹرارون کمار مہتا نے محکمہ سے کہا کہ وہ 15 دنوں کے اندر پانچ خدمات کے ساتھ ’’ آپ کا موبائل اور ہمارا دَفتر‘‘ایپ لانچ کرے ۔ چیف سیکرٹری نے محکمہ کو مشورہ دیا کہ وہ اس ایپ پر امنگ ایپ پر دستیاب 200 خدمات فراہم کرنے کے امکانات کو بھی تلاش کرے۔اُنہوں نے محکمہ سے کہا کہ وہ لوگوں کے فائدے کے لئے ایپ کی افادیت کے بارے میں میڈیا مہم چلائے۔اُنہوں نے مزید کہا کہ حکومت کے جاری ڈیجیٹل پش سے گورننس اور عوامی خدمات کی فراہمی کو پائیدار بنیادوں پر بہتر بنایا جائے گا۔
