حملے کے حالات کی تحقیقات کی تیزسری نگر، 26 فروری (کے این ایس): جنوبی کشمیر کے ڈپٹی انسپکٹر جنرل آف پولیس رئیس محمد بھٹ نے اتوار کو کہا کہ جنوبی کشمیر کے پلوامہ ضلع میں ملی ٹینٹوکے ہاتھوں کشمیری پنڈت برادری سے تعلق رکھنے والے بینک سیکورٹی گارڈ کو کن حالات میں مارا گیا، اس کی تحقیقات کی جا رہی ہیں۔ڈی آئی جی نے جائے وقوعہ کا دورہ کرنے کے بعد میڈیا سے بات کرتے ہوئے کہا کہ لیتر گاؤں کے اچژن علاقے میں نامعلوم دہشت گردوں نے سنجے شرما کے نام سے شناخت کیے گئے بینک سیکیورٹی گارڈ کو گولی مار کر ہلاک کر دیاانہوں نے کہا کہ اس کارروائی میں ملوث عسکریت پسندوں کو بہت جلد کیفر کردار تک پہنچایا جائے گا۔
ان کا مزید کہنا تھا کہ سیکیورٹی فورسز دہشت گردوں کے مذموم منصوبوں کو کبھی کامیاب نہیں ہونے دیں گی۔
ڈی آئی جی کا کہنا تھا کہ جس جگہ واقعہ ہوا وہاں سیکیورٹی کے انتظامات تھے۔ "تاہم، جن حالات میں یہ واقعہ پیش آیا وہ تحقیقات کا حصہ ہے جو ابھی تک جاری ہے۔” (KNS)
متعلقہ زمرے: تعلیم
