سری نگر:۹۱، جولائی:جے کے این ایس :ٍ محکمہ موسمیات نے جموں وکشمیرمیں 22جولائی تک موسمی صورتحال ابتررہنے کی پیش گوئی کرتے ہوئے خبردار کیاہے کہ اس دوران جموں خطے میں کچھ مقامات پر شدیدبارشیں ہونگی جبکہ کشمیرکے کچھ علاقوںمیں درمیانی درجے کی بارشیں ہونے کاامکان ہے ۔جے کے این ایس کے مطابق منگل کی شام سے بدھ کی شام تک جموں وکشمیرکے بیشتر علاقوںمیں درمیانی سے بھاری بارشیں ہونے کے بیچ محکمہ موسمیات سری نگرنے اپنے ایک ٹویٹ میں کہاکہ 22جولائی تک موسمی صورتحال جوںکی توں رہنے کاامکان ہے ۔متعلقہ محکمے نے کہاکہ 19جولائی بروز بدھ وار کو شام تک جموں صوبے میں موسلادار بارشوںکا اثر کچھ مقامات پربرقرار رہ سکتا ہے جبکہ کشمیر کے کچھ علاقوںمیں بھی تیز بارش ہوسکتی ہے ۔محکمہ موسمیات نے مزید بتایاکہ 22جولائی تک جموں خطے کے ایک یادومقامات پر بڑے پیمانے پر موسلادار بارش ہونے کاامکان ہے اورکشمیرمیں اس دوران کچھ ایک جگہوں پر درمیانی درجے کی بارش ہوگی ۔محکمہ ھٰذا کے مطابق موسلا دار بارشیں ہونے کی وجہ سے کچھ علاقوںمیں سیلابی ریلے آنے کاخطرہ رہے گا۔جبکہ تیز بارشیں ہونے سے مٹی کے تودے اورپسیاں گرآنے کا بھی اندیشہ رہے گا،اسلئے لوگوں کو مشورہ دیاجاتاہے کہ وہ دریاﺅں اور ندی نالوںکے نزدیک جانے میں احتیاط طرتیں
