بشارت رشید
اونتی پورہ: جنوبی کشمیر کے تحصیل اونتی پورہ سے تعلق رکھنے والی طالبہ عابدہ مقبول، اپنی پہلی کتاب ‘دی اسٹریس’ کی مصنفہ بنی۔ 23 سالہ لڑکی اونتی پورہ کے شاہ آباد گاؤں میں رہتی ہے، جس نے معاشرے کو ذہنی تناؤ کے مسائل سے گزرتے ہوئے دیکھ کر ایک کتاب لکھنے کا ارادہ کیا، "جو ان تناؤ کو مکمل طور پر ختم تو نہیں کرے گی، لیکن کسی نہ کسی طرح ان سے بچنے میں مدد دے گی۔ ” سرینگر میل سے بات کرتے ہوئے ہوئے عابدہ نے کہا کہ، "میں نے ایک ایسی کتاب لکھنے کا ارادہ کیا جو ان تناؤ کو مکمل طور پر ختم تو نہیں کرے گی، لیکن کسی نہ کسی طرح ان تناؤ سے بچنے میں مدد فراہم کرے گی۔” انہوں نے کہا کہ آجکل انسان کے اندر مختلف قسم کے مسائل جنم لیتے، جو پرندوں کی مانند ہیں اور ہمارے ذہنوں میں گھونسلہ بناتے ہیں۔ ہم انہیں اڑنے سے تو نہیں بچا سکتے لیکن ہم انہیں اپنے ذہنوں میں گھونسلہ بنانے سے ضرور روک سکتے ہیں۔” خودکشی کے واقعات پر عابدہ نے کہا کہ "خودکشی کرنا بہادری نہیں، بلکہ یہ ایک بزدلانہ رویہ ہے۔” قابل ذکر بات یہ ہے کہ مصنفہ عابدہ مقبول نے ای ایم پی ایس شاہ آباد اونتی پورہ سے ابتدائی تعلیم حاصل کی ہے، اور وہ فی الحال IGNOU کے ذریعے سائکالوجی میں آنرز ڈگری کرنے کے علاوہ گاؤں کے ایک نجی اسکول میں بطور ٹیچر کام کر رہی ہیں۔