کولمبو 27جنوری
سری لنکا کے تجربہ کار اور سینئر آل راؤنڈر دلروان پریرا نے بدھ کو بین الاقوامی کرکٹ سے ریٹائرمنٹ کا اعلان کر دیا۔ تاہم انہوں نے ڈومیسٹک کرکٹ کھیلنا جاری رکھنے کی خواہش کا اظہار کیا ہے۔انہوں نے اپنے 15 سالہ طویل بین الاقوامی کیریئر میں 43 ٹیسٹ، 13 ون ڈے اور تین ٹی ٹوئنٹی میں سری لنکا کی نمائندگی کی، تمام فارمیٹس میں 1456 رنز بنائے اور 177 وکٹیں لیں۔ پریرا نے اپنا ون ڈے ڈیبیو 2007 میں کولمبو میں انگلینڈ کے خلاف کیا اور سات سال بعد شارجہ میں پاکستان کے خلاف اپنا ٹیسٹ ڈیبیو کیا، آٹھویں نمبر پربلے بازی کرتے ہوئے 95 رنز بنائے۔ انہوں نے 43 ٹیسٹ میچوں میں 35.90 کی اوسط سے 161 وکٹیں حاصل کیں۔ ٹیسٹ میں ان کی بہترین کارکردگی 2018 میں گالے میں جنوبی افریقہ کے خلاف سامنے آئی، جہاں انہوں نے 78 رنز دے کر 10 وکٹ لیے اور ٹیم کو فتح سے ہمکنار کیا۔تجربہ کار آل راؤنڈر کی ون ڈے میں بالنگ اوسط 31.46 رہی۔ انہوں نے 13 ون ڈے میچوں میں 13 وکٹیں حاصل کیں جب کہ تین ٹی ٹوئنٹی میچوں میں ان کی تین وکٹیں ہیں۔ تاہم انہیں 2018 سے محدود اوورز کی ٹیم میں جگہ نہیں ملی ہے۔ انہوں نے اپنا آخری ٹی ٹوئنٹی میچ 2011 میں کھیلا تھا۔