سید اعجا ز
ترال//جنوبی کشمیر کے سب ضلع ترال کے ڈاڈسرہ بلاک کے تحت جمعرات کو ہاری پاریگام اور لاڈیار ترال میں گرام سبھائیں منعقد ہوئی ہے جس دوران لوگوں کی ایک بڑی تعداد یہاں شرکت کی ہے اور اپنے اپنے گائوں میں تعمیرکرنے والے مختلف کاموں کامنصوبہ ترتیب دیا گیا ہے ۔ گرام سبھا کے دوران ڈی ڈی سی ممبر ڈاڈسرہ اوتار سنگھ ترالی نے لوگوں کے بیچ بیٹھ کر ہر ایک کے مطالبے کو غورسے سُنا ہے ۔تاہم ڈی ڈی سی ممبر نے بتایا مزکورہ علاقے میں پہلی بار لوگ اس طرح کام کاج کے لئے گرام سبھا میں شرکت کر رہی ہے ۔ تاہم انہوں نے اس بات پر شدید برہمی کا اظہار کیا ہے کہ یہاں21سرکاری محکموں میں سے چند ایک ہی آئے ہیں ان میں بھی درجہ چہارم یا عام ملازم کو حاضری کے لئے یہاں بیجا تھا ۔انہوں نے بتایا بتایا یہاں علاقے میں ایک ایسا سسٹم چلایا گیا ہے جس کی وجہ سے عوام اس سسٹم سے نفرت ہوئی ہے ۔انہوں نے بتایا اب لوگ ہمارے پاس آتے ہیں لیکن ہمارے افسران یہاں آنے کی زحمت نہیں کرتے ہیں ۔انہوں نے بتایا میں لوگوں کی نمائندگی کر رہا ہوں اور میرے لئے عوام ترجیح ہوگی ۔ اور اس مسئلے کو اعلیٰ حکام کے ساتھ اٹھائوں گا ۔