سید اعجاز
ترال//جنوبی کشمیر کے سب ضلع ترال میں حالیہ دسویں جماعت کے امتحانات میں مختلف تعلیمی اداروں کے طلباء نے بہترین کار کردگی کا مظاہرہ کیا ہے اس دوران مختلف گائوں اور قصبے میں قائم سرکاری و نجی تعلیمی اداروں نے کامیاب اور بہترین کار کردگی دکھانے والے طلباء کو حوصلہ افزائی کرنے کا سلسلہ شروع کیا ہے تاہم تاکہ مزید بچے بھی متاثر ہو کر بہتر تعلیم حاصل کرنے میں آگے آئیں گے ۔اس حوالے سے پیر کے اسلامہ انگلش میڈیم سکول لرگام ترال میں اسی طرح کی ایک تقریب منعقد ہوئی ہے جہاں طلباء کی حوصلہ افزائی کی گئی ہے ۔تقریب میں سکول منیجمنٹ کے علاوہ گائوں کے معزز لوگوں کی ایک بڑی تعداد کے علاوہ میڈیا سے وابستہ افراد نے شرکت کی ہے ۔سکول کے پرنسپل بلال احمد نے بتایا کووڈ کے خراب حالات کے باجود سکول عملے نے اپنی طرح سے کوشش کی ہے اور جس کا نتیجہ آج لوگوں کے سامنے نے ۔انہوں نے تمام بچوں کو مبارک باد پیش کی ہے جنہوں نے اس امتحان میں اپنا گائوں اور سکول کا نام روشن کیا ہے ۔انہوں نے کہا سکول کی کوشش کی ہے بچوں کو نصابی تعلیم کے ساتھ ساتھ اخلاقیات اور دینی تعلیم بھی فراہم کی جائے ۔مزکورہ سکول نے گزشتہ کئی سال کے دوران یہاں بہترین نتائج حاصل کئے ہیں ۔