لیفٹیننٹ گورنر منوج سِنہا نے خواتین کے عالمی دِن کے موقعہ پر تمام خواتین کو مبارک باد اور نیک خواہشات کا اِظہار کیا ہے۔جموںوکشمیر کی خواتین قوم کی تعمیر کی مسلسل اور تعمیری کوششوںسے مختلف شعبوں میں نمایاں اثر ڈال رہی ہیں۔ اُنہوں نے کہا کہ میں اَپنی بہنوں اور بیٹیوں کو ان کی کامیابیوں اور پُر امن اور خوشحال جموںوکشمیر کے لئے بے لوث اور انتھک کام کرنے کے لئے مبارک باد دینا چاہتاہوں۔ لیفٹیننٹ گورنر نے کہا،’’ خواتین ہمدردی اور بے لوثی کا مجسمہ ہیں ۔ میں سماجی و اقتصادی ترقی ، سماجی برائیوں کے خاتمے اور پنچایت اور نچلی سطح کے اداروں کو مضبوط بنانے میں ان کے ناقابل تسخیر جذبے اور یادگار شراکت کو سلام کرتا ہوں۔‘‘ اِس موقعہ پر آئیے ہم ان کو بااختیار بنانے اور اتما نر بھر بھارت کی تعمیر میں مساوی شرکت کے لئے اَپنے عزم کا اعادہ کریں۔