- سید اعجاز
پلوامہ//جنوبی کشمیر کے اونتی پورہ میں فورسز اور ملی ٹینٹوں کے درمیان ہوئی تصادم آرائی میں ایک غیر ملکی سمیت3ملی ٹینٹ مارے گئے ہیں ۔پولیس نے ایک تویٹ میں بتایا ذرائع کے مطابق مارے گئے ملی ٹینٹ سیکورٹی فورسز کے کیمپ پر حملہ کرنے جا رہے تھے تاہم فوج اور پولیس نے اس منصوبے کو ناکام بنا کر ایک بڑے حادثے کو ٹال دیا ہے۔تفصیلات کے مطابق جنوبی کشمیر کے پلوامہ ضلع کے اونتی پورہ علاقے میں منگل کو پولیس اور سیکورٹی فورسز کے ساتھ تصادم میں ایک غیر ملکی سمیت تین 3ملی ٹینٹ مارے گئے۔ایک پولیس افسرنے بتایا کہ آج شام شروع ہونے والے تصادم میں تین رے گئے جن کی شناخت کی جاری ہے۔کشمیر پولیس زون نے اے ڈی جی پی کا حوالہ دیتے ہوئے ایک ٹویٹ میں بتایا کہ” ہمارے ذریعہ کے مطابق، لشکر طیبہ کا 1 غیر ملکی اور 1 مقامی ملی ٹینٹ مختیار بھٹ ہے، جو سی آر پی ایف کے 1 اے ایس آئی اور 2 آر پی ایف اہلکاروں کے قتل سمیت کئی دہشت گردی کے جرائم میں ملوث ہے۔ انہوں نے کہا یہ ہمارے لیے ایک بڑی کامیابی ہے ۔ٹویٹ میں پولیس نے مزید لکھا ہے کہ ۔مختار بٹ ذرائع کے مطابق، وہ غیر ملکی کے ساتھ سکورٹی فورسز کیمپ پر فدائین حملے کے لیے جا رہا تھا۔ماررے گئے ملی ٹینٹوں کے قبضے سےAK 47.1 رائفل، 01 -AK56 رائفل اور 1 پستول برآمدکیا۔انہوں نے کہا” اونتی پورہ پولیس اور فوج نے دہشت گردی کے ایک بڑے واقعے کو ٹالاہے“