سری نگر:۶۲ نومبر: ریاستی تحقیقاتی ایجنسی (ایس آئی اے) نے سنیچر کو سینئر حریت رہنما پروفیسر عبدالغنی بٹ سے تقریباً8 گھنٹے تک پوچھ گچھ کی۔ اُنہیں جے آئی سی جموں میں ملی ٹنٹوں اور حوالا فنڈنگ سے متعلق ایک معاملے میں تحقیقاتی ایجنسی کی طرف سے طلب کیا گیاتھا۔جے کے این ایس کے مطابق میڈیا رپورٹس میں ایک اعلیٰ عہدیدار کا حوالہ دیتے ہوئے بتایاگیاکہپروفیسر عبدالغنی بٹ کو عسکریت پسندوں اور حوالا فنڈنگ کے معاملے سے متعلق طلب کیا گیا تھا جس میں سابق وزیر جتیندر سنگھ عرف بابو سنگھ کو پہلے گرفتار کیا گیا تھا۔میڈیا رپورٹس کے مطابق انہوں نے کہا کہ پروفیسر عبدالغنی بٹ سے جے آئی سی جموں میں شام تک تقریباً آٹھ گھنٹے تک پوچھ گچھ کی گئی ۔اہلکار نے مزید کہا کہ پروفیسر عبدالغنی بٹ نے پوچھ گچھ کے دوران وادی میں مختلف حریت رہنماو¿ں کی طرف سے سرحد پار سے موصول ہونے والی رقم کے بارے میں بہت سے حقائق کا انکشاف کیا۔پروفیسر بٹ جموں و کشمیر مسلم کانفرنس کے سربراہ ہیں اور ماضی میں وہ حریت کانفرنس کے سربراہ بھی رہ چکے ہیں۔
