سید اعجاز
ترال //ایڈیشنل ڈپٹی کمشنر ترال ایس اے رین ہ نے آج ترال ٹاؤن میں صفائی مہم کی نگرانی کی۔ ترال میونسپل کمیٹی اور محکمہ جنگلات نے اس مہم میں حصہ لیا۔اے ڈی سی نے بتایا کہ صفائی ستھرائی فطرت اور اردگرد کے ماحول کو صاف ستھرا رکھ کر ماحول کے لیے ایک بہتر اقدام ہے اور اس کے لیے مقامی لوگوں کو بیداری، تعلیم اور حوصلہ افزائی کرنے کی ضرورت ہے۔اس مہم کا مقصد سماجی حفظان صحت کی دیکھ بھال اور انسانی زندگی پر اس کے اثرات کو سمجھنے کے لیے زندگی کے تمام شعبوں سے مقامی لوگوں کو اکٹھا کرنا تھا۔
پروگرام نے سماجی حفظان صحت کو برقرار رکھنے کے لیے کمیونٹی کی ذمہ داری کی ضرورت کو سمجھنے پر زور دیا۔ایڈیشنل ڈپٹی کمشنر ترال نے لوگوں سے پا لتھین کے استعمال سے گریز کرنے کی درخواست کی۔انہوں نے کہا کہ گولڈن کارڈ بنانے اور آدھار کی اصلاح کی سہولت ترال ٹاؤن ہال میں رکھی گئی ہے۔