سید اعجاز
ترال//جہاں ایک طرف جموںو کشمیرسرکارنے یہاں کھیل کود کو فروغ دینے کے لئے بڑے اقدامات اٹھائے وہی دوسری جانب سب ضلع ترال کے جواہر پورہ (لام )نامی گاﺅں میں محکمہ دہی ترقی کی جانب سے چند سال قبل تعمیر کیا گیا کھیل کا میدان کئی سال گزر جانے کے باوجود ناقابل استعمال ہے جس کی وجہ سے میدان تعمیر کرنے کا مقصد ہی فوت ہوا ہے۔مقامی نوجوان کھلاڑیوں اور شائقین کھیل نے بتایا جب اس میدان پر کام شروع ہوا تو بستی کے نوجوانوں نے خوشی کا اظہار کر کے سرکار کا شکریہ اداکیا تھا اور انہیں امید تھی کہ شائد انہیں اب دوسرے گاﺅں دیہات کا رخ کھیلنے کے لئے نہیں کرنا پڑے گا ۔انہوں نے بتایا تاہم یہ میدان گزشتہ کئی سال سے کھنڈارت کی شکل پیش کر رہا ہے جس کی جانب کوئی توجہ نہیں دی جا رہی ہے ۔انہوں نے بتایا وہ آج بھی مجبوراً دوسرے گاﺅں میں اپنا شوق پورا کرنے کے لئے جاتے ہیں ۔انہوں نے بتایا اگر اسی طرح اس میدان کو رکھنا تھا پھرسرکاری خزانے کا لاکھوں کا رقم ضائح کیوں کرنا تھا؟۔ کھلاڑیوں نے بتایامیدان پر ابتدائی کام کے بعد کوئی تعمیر ی کام نہیں کیا گیا ہے جس کی وجہ سے علاقے کے نوجوانوں کو کھیل کود کے حوالے سے طرح طرح کے پریشانیوں کاسامنا کرنا پڑ رہا ہے ۔یہاں یہ بات قابل ذکر ہے کہ ترال میں محکمہ دہی ترقی کی جانب سے تعمیر کردہ چند ایک کو چھوڈ کر باقی میدانوں کی کار کردگی صفر کے برابر ہے جس کی جانب سرکار اور محکمے کو فوری توجہ دینے کی اپیل کی ہے ۔مقامی نوجوانوں نے اس حوالے سے ڈپٹی کمشنر پلوامہ اور ایل جی جموں و کشمیر سے مداخلت کی اپیل کی ہے