بڈگام //بڈگام میں پولیس نے ہائر سیکنڈری اسکول پرنیوا میں "منشیات کی لت سے بچا¶” پر ایک بیداری پروگرام کا انعقاد کیا۔ پروگرام کی میزبانی جناب شاہد ربانی پرنسپل ہائر سیکنڈری اسکول پرنیوا اور محترمہ انشا حسن انچارج ڈرگ ڈی ایڈکشن اینڈ اسٹریس مینجمنٹ سینٹر ڈی پی ایل بڈگام نے کی۔ اس پروگرام میں سکول کے 5اسٹاف ممبران اور 120 سے زائد طلباءنے شرکت کی۔اس موقع پر محترمہ انشا نے نشہ آور اشیا کی نشاندہی میں اسکول انتظامیہ کے کردار اور اس کے تدارک کے لیے ان کے کردار پر روشنی ڈالی اور نشے کے نفسیاتی اور سماجی پہلو¶ں پر بھی زور دیا گیا۔ منشیات کی لت کے مختلف پہلو¶ں اور خاص طور پر نوجوانوں میں احتیاطی تدابیر پر بھی تفصیلی تبادلہ خیال کیا گیا۔اس پروگرام کا انعقاد ایس ایس پی بڈگام شری طاہر سلیم (جے کے پی ایس) کی ہدایت پر کیا گیا تھا اور اس طرح کے پروگرام کے انعقاد کا بنیادی مقصد شرکاءمیں نشہ چھوڑنے کے بارے میں بیداری فراہم کرنا ہے اور خاص طور پر معاشرے میں پھیلی سماجی برائیوں کو ختم کرنے میں ان کے تعاون کی کوشش کی گئی تھی۔ اس کے علاوہ ہائر سیکنڈری سکول کے پرنسپل پرنیوا نے والدین کے کردار پر روشنی ڈالتے ہوئے کہا کہ بچے کی سماجی نشوونما میں والدین کی زیادہ ذمہ داری ہوتی ہے۔شرکاءنے ایسے آگاہی پروگراموں کے انعقاد پر پولیس کا شکریہ ادا کیا۔ تمام شرکاءنے عہد کیا کہ وہ کبھی بھی کسی قسم کی نشہ آور اشیاءکے استعمال میں ملوث نہیں ہوں گے۔
