سری نگر میں زبروان کے دامن میں ایشیا کا سب سے بڑا ٹیولپ گارڈن اس سال 15 لاکھ سے زیادہ کھلے ہوئے بلب کے علاوہ ٹیولپس کی چار نئی اقسام کی نمائش کرے گا۔ڈپٹی ڈائریکٹر فلوریکلچر اخلاص شائق نے کہا کہ ہم نے ہالینڈ سے ٹیولپ کی چار نئی اقسام درآمد کی ہیں جو باغ میں مزید خوبصوتی کا اضافہ کریں گی۔کشمیر نیوز سروس ( کے این ایس ) کے مطابق انہوں نے کہا کہ رنگوں کی قوس قزح کے ساتھ ٹیولپس کی چار نئی اقسام ۔ کیپ نویا، سویٹ ہارٹ، ہیملٹن اور کرسمس ڈریم سبھی ہالینڈ سے درآمد کی گئی ہیں اور اس سال وسیع باغ میں شامل کی جائیں گی۔انہوں نے کہا کہ عام طور پر 68 رنگ برنگی اقسام کے ٹیولپ بلب کے علاوہ ڈیفوڈل، ہائیسنتھ، مسکری کے چشم کشا پھول، موسم بہار میں کھلنے والی دکانیں اور باغ میں موجود درخت سیاحوں کے لیے توجہ کا مرکز بنے ہوئے ہیں۔ سری نگر میں ڈل جھیل کے کنارے 30 ہیکٹر سے زیادہ کے رقبے پر پھیلے اندرا گاندھی میموریل ٹیولپ گارڈن میں اس وقت 300 سے زائد باغبان انتھک محنت کر رہے ہیں تاکہ اس کے سرکاری افتتاح سے قبل آنے والے سیاحوں کے لیے اسے مزید پرکشش بنایا جا سکے۔انہوں نے کہا کہ اگر موسم سازگار رہا اور درجہ حرارت 15 ڈگری سینٹی گریڈ سے اوپر رہا تو ٹیولپ کے بلب جلد کھلیں گے
