سری نگر:۲،مارچ:جموں وکشمیر پبلک سروس کمیشن نے گورنمنٹ ڈگری کالجوں میں تدریسی عملے کی کمی کوپورا کرنے کیلئے مختلف مضامین پڑھانے کیلئے 285اسسٹنٹ پرفیسروں کی اسامیوںکی بھرتی عمل میں لانے کیلئے نوٹیفکیشن جاری کردی ۔بھرتی عمل میں شامل ہونے والے اہل اورخواہشمنداُمیدوار وں کیلئے3مارچ سے درخواست فارم JKPSCکی ویب سائٹ پر دستیاب رکھے گئے ہیں ،اوراُمیدوار31مارچ2023تک اپنے درخواست فارم مقررہ فیس کیساتھ آن لائن جمع کراسکتے ہیں ۔جے کے این ایس کے مطابق جموں وکشمیر پبلک سروس کمیشن کی جانب سے یکم مارچ2023کوایک نوٹیفکیشن زیر نمبر 06-PSC(DR-P)آف2023جاری کردی گئی ہے ،جس کے ذریعے کہاگیاہے کہ محکمہ اعلیٰ تعلیم کے تحت چلنے والے گورنمنٹ ڈگری کالجوں میں اسسٹنٹ پروفیسروںکی کل285اسامیاں پُر کرنی مطلوب ہیں ۔جموں وکشمیر پبلک سروس کمیشن کی جانب سے جاری نوٹیفکیشن کے مطابق بھرتی عمل میں شامل ہونے والے اہل اورخواہشمنداُمیدوار وں کیلئے3مارچ سے درخواست فارم JKPSCکی ویب سائٹ پر دستیاب رکھے گئے ہیں ،اوراُمیدوار31مارچ2023تک اپنے درخواست فارم مقررہ فیس کیساتھ آن لائن جمع کراسکتے ہیں ۔بمطابق نوٹیفکیشن محکمہ اعلیٰ تعلیم کے تحت چلنے والے گورنمنٹ ڈگری کالجوںمیں جن مضامین یاشعبوںمیں اسسٹنٹ پروفیسروںکی بھرتی عمل میں لانا مقصود ہے ،اُن میں انگریزی (13اسامیاں)،فنکشنل انگلش (4اسامیاں)، انگریزی لٹریچر (ایک اسامی)، فزیکس (ایک اسامی)، کمسٹری (11اسامیاں)،بوٹنی (4اسامیاں)، کمپیوٹر ایپلی کیشن (18اسامیاں)، اسٹیٹکس (4اسامیاں)،فوڈ سائنس (ایک اسامی)،فوڈسائنس کوالٹی کنٹرول (15اسامیاں)، فشریز (ایک اسامی)، پولیٹکل سائنس (26اسامیاں)، پنجابی (11اسامیاں)، سنسکرت(2اسامیاں)، ڈوگری (5اسامیاں)،ہوم سائنس (2اسامیاں)، کامرس (6اسامیاں)، ریاضیMaths (7اسامیاں)،جیالوجی (ایک اسامی)، میوزک (12اسامیاں)، بائیوکمسٹری (2اسامیاں)،ماحولیاتی سائنس (15اسامیاں)، الیکٹرانک (3اسامیاں)، جغرافی (8اسامیاں)، ایجوکیشن (6اسامیاں)، ہندی (12اسامیاں)، اردو /لٹریچر(15اسامیاں)، اکنامکس (14اسامیاں)، ہسٹری (10اسامیاں)، فلاسفی (5اسامیاں)، سوشیالوجی (26اسامیاں)، اسلامک اسٹڈیز (5اسامیاں)، سری کلچر (ایک اسامی)،ٹیو راینڈٹراول (2اسامیاں)، انفارمیشن ٹیکنالوجی (7اسامیاں)، انڈسٹرئیل کمسٹری (ایک اسامی)، بائیوانفارمیٹکس (3اسامیاں)اور بی بی اے /ایم بی اے منیجمنٹ (5اسامیاں)شامل ہیں ۔اسسٹنٹ پرفیسروں کی کل285اسامیوںمیں سے147کواوپن میرٹ میں رکھاگیا ہے جبکہ اسسٹنٹ پرفیسروں کی باقی138اسامیوں کو مختلف مخصوص زمروں بشمول RBA،SC،ST،EWS،ALC/IB،PSP،اورSLCکیلئے مختص رکھاگیاہے ۔
