سری نگر:۱۲،مارچ:لیفٹیننٹ گورنر منوج سنہا نے منگل کے روزیہاں جہلم ریور فرنٹ کے جاری کام کا جائے وقوعہ پر جاکر معائنہ کیا اور جائزہ لیا۔جے کے این ایس کے مطابق لیفٹیننٹ گورنرمنوج سنہا نے اعلیٰ حکام کے ہمراہ سری نگرکے راجباغ علاقے میں سائٹ پر جاری کام کی پیشرفت کا جائزہ لیا اور پروجیکٹ کی بروقت تکمیل پر زور دیا۔زائرین کےلئے دستیاب سہولیات کے بارے میں دریافت کرتے ہوئے لیفٹیننٹ گورنر نے چیف ایگزیکٹو آفیسر سری نگر اسمارٹ سٹی کو ہدایت دی کہ وہ پروجیکٹ کے تحت کچھ نمایاں مقامات پر سیلفی پوائنٹس تیار کرنے کے امکانات تلاش کریں۔کمشنرسری نگرمیونسپل کارپوریشن اور چیف ایگزیکٹو آفیسر سری نگر اسمارٹ سٹی اطہر امیر خان نے لیفٹیننٹ گورنر کو اس باوقار پروجیکٹ پر ہونے والی پیش رفت کے بارے میں آگاہ کیا۔ انہوں نے بتایا کہ زیرو پل سے لال منڈی تک دریا کے بائیں کنارے پر جاری کام اپریل2023 تک مکمل کر لیا جائے گا۔انہوںنے کہاکہ زیرو برج سے جنرل پوسٹ آفس کے درمیان اسٹریچ کا کام بھی زور و شور سے جاری ہے اور اپریل 2023 تک یہ کام مکمل ہو جائے گا جبکہ ریور فرنٹ پراجیکٹ پر بڑے کام اگست2023 تک یا اس سے پہلے مکمل ہو جائیں گے۔کشمیر میں جاری ترقیاتی منصوبوں اور کشمیر کے ورثہ دریائے جہلم کی بحالی اور دریائی نقل و حمل کے بارے میں، لیفٹیننٹ گورنر منوج سنہانے کہا کہ کام ٹائم لائن کے مطابق جاری ہے۔قابل ذکر بات یہ ہے کہ زیرو برج سے بدھ شاہ کدل تک جہلم ریور فرنٹ کا تصور ریور فرنٹ کے ساتھ ساتھ جدید ترین عوامی مقامات کے ساتھ کیا گیا ہے۔ جہلم ریور فرنٹ کے دائیں اور بائیں دونوں کناروں کو اپ گریڈ کیا جا رہا ہے۔پیدل چلنے کے راستوں، سائیکل ٹریک، کثیر المقاصد سبز جگہوں اور پارکس، بیٹھنے کی جگہ، رکاوٹوں سے پاک ماحول، عالمگیر رسائی، مقبول بازار کی سڑکوں سے بہتر رابطہ، اعلیٰ معیار کی روشنی، آرائشی پودوں کی اقسام، جدید عوامی سہولیات کی ترقی سے عوام کو ترقی ملے گی۔ جہلم ریور فرنٹ سیاحوں اور مقامی لوگوں کے لیے ایک نمایاں مقام ہے۔ لیفٹیننٹ گورنر کے پرنسپل سکریٹری ڈاکٹر مندیپ کمار بھنڈاری، ڈویڑنل کمشنر کشمیر وجے کمار بدھوری،کمشنرسری نگرمیونسپل کارپوریشن اور چیف ایگزیکٹو آفیسر سری نگر اسمارٹ سٹی اطہر امیر خان اورڈپٹی کمشنر سری نگرمحمداعجازاسدکے علاوہ دیگر سینئر افسران لیفٹیننٹ گورنر کے ساتھ تھے۔
