سری نگر، 12 اپریل (کے این ایس): مرکزی وزارت داخلہ نے بدھ کے روز جموں و کشمیر میں ہونے والے جی 20 سربراہی اجلاس کی جاری تیاریوں اور مرکز کے زیر انتظام علاقے میں سلامتی کی صورتحال پر ایک اہم میٹنگ کی۔ذرائع نے کشمیر نیوز سروس (کے این ایس) کو بتایا کہ یہ میٹنگ وزارت داخلہ کے نارتھ بلاک میں منعقد ہوئی اور اس کی صدارت مرکزی سیکرٹری داخلہ اجے بھلا نے کی۔انہوں نے کہا کہ میٹنگ کے دوران جی 20 سربراہی اجلاس کی جاری تیاریوں اور جموں و کشمیر میں سیکورٹی صورتحال کا جائزہ لیا گیا۔انہوں نے کہا کہ عہدیداروں نے مرکز کے زیر انتظام علاقے میں جاری ترقیاتی منصوبوں کی پیشرفت کا بھی جائزہ لیا۔ڈائریکٹر جنرل آف پولیس دلباغ سنگھ، چیف سکریٹری ارون کمار مہتا، ڈی جی سی آئی ڈی آر آر سوین اور جموں و کشمیر کے دیگر سینئر افسران نے میٹنگ میں شرکت کی۔جموں و کشمیر 22 سے 25 مئی تک جی 20 اجلاس کی میزبانی کے لیے تیار ہے۔
