بارہمولہ ،سری نگر:4،مئی : شمالی کشمیرمیں گزشتہ چوبیس گھنٹوں کے دوران دوسرے ملی ٹنٹ مخالف آپریشن کے دوران وانیگام پائین کریری بارہمولہ میں 2مقامی ملی ٹنٹ مارے گئے ،جن کاتعلق ممنوعہ ملی ٹنٹ تنظیم لشکر طیبہ سے بتایاجاتاہے ۔جے کے این ایس کے مطابق پولیس نے ایک بیان میں بتایاکہ بارہمولہ ضلع کے وانی گام پائین کریری علاقے میں کچھ ملی ٹنٹوںکے چھپے ہونے کی اطلاع ملتے ہی پولیس ،فوج اورفورسزنے جمعرات کوعلی الصبح اس پورے علاقے کومحاصرے میں لیکر تلاشی کارروائی شروع کی ۔ایس ایس پی بارہمولہ امود ناگپورے نے مزید کہاکہ دہشت گردوں کی طرف سے سیکورٹی فورسز کی تلاشی پارٹی پر فائرنگ کے بعد تلاشی کارروائی انکاو¿نٹر میں بدل گئی، اورطرفین کے درمیان گولی باری کاتبادلہ شروع ہوا۔انہوںنے کہاکہ فائرنگ کے تبادلے میں2دہشت گرد مارے گئے۔ایس ایس پی بارہمولہ نے مزید کہا کہ مارے گئے دہشت گردوں کی شناخت اورتنظیمی وابستگی کا پتہ لگایا جا رہا ہے۔ایس ایس پی بارہمولہ امود ناگپورے نے کہا کہ انکاو¿نٹر کے مقام سے ایک اے کے47 رائفل اور ایک پستول سمیت مجرمانہ مواد، اسلحہ اور گولہ بارود برآمد کیا گیا ہے۔ادھر کشمیرزون پولیس نے اپنے آفیشل ٹویٹرہینڈل پر ایڈیشنل ڈائریکٹر جنرل آف پولیس کشمیرزون وجے کمار کے حوالے سے بتایاکہ مہلوکین کی شناخت شاکر ماجد نجار اور حنان احمد سیہ ساکنان شوپیاں ضلع کے بطورہوئی ہے۔انہوںنے مزید کہاکہ مارے گئے دونوںمقامی دہشت گردمارچ2023میں ملی ٹنٹوںکی صفوںمیں شامل ہوئے تھے اوروہ لشکر طیبہ سے وابستہ تھے۔