سید اعجاز
ترال// جنوبی کشمیر کے سب ضلع ترال کے پائین علاقے میں واقع معروف مرکزی جامع مسجد جامع مسجس نور اسلام میں بدھ کی صبح قریب 8.45 پر آگ مسجدشریف کے تیسری منزل سے نمودار ہوئی جس نے لمحوں میں پوری مسجد کے اوپری حصے کو اپنی لپیٹ میں لیا۔مقامی لوگوں اور فائر ایند ایمر جنسی سروس اور پولیس نے اگر چہ آگ پر قابو پانے کی کوشش کی ہے تاہم لوگوں کے مطابق فائر سروس میں کم نفری اور صرف ایک گاڑی کی موجود گی کی وجہ سے آگ نے مسجد کو بڑے پیمانے پر نقصان پہنچایا ہے انہوں نے بتایا آگ کی شدت کو دیکھ کر انتظامیہ نے دیگر کئی علاقوں سے آگ بجھانے والی گاڑیوں کو لایا گیا یے تاہم تب تک مسجد کے دو نزل مکمل طور خاکستر ہوئی تھی۔اس ساری صورت حال کی وجہ سے علاقے میں ماتم کی لہر دوڑ گئی جہاں ہر علاقے میں مزکورہ مسجد شریف میں آگ لگنے کی خبر پھیلنے کے ساتھ ہی ماتم کی لہر دوڑ گئی ہےیہ مسجد شریف علاقے کی معروف مرکزی جامع مسجد ہے جہاں کئی دہائیوں سے مرحوم مولانا نور احمد ترالی ہر جمعہ کو تبلیغ فرماتے تھے ان کے بعد یہاں ان کے بردار مولانا قطب الدین تبلیغ فرماتے ہیں۔مولاناقطب الدین نے بتایا قریب پونے نو بجے چپراسی نے انہیں اطلاع دی کہ مسجد میں آگ ظاہر ہوئی جس کے بعد یہاں چیرمین کو مطلع کیا گیا ہے اور انہوں باقی انتظامیہ اور فائر سروس کو مطلع کیا۔انہوں نے بتایا اگر یہاں فائر سوروس کے بہتر انتظامات ہوتے شائد مسجد بچ جاتی ایسانہیں تھا۔انہوں نے بتایا کہ آگ لگنے کی وجوہات کا فوری طور پتہ نہیں چل سکا۔اس رپورٹ کو فائل کرتے وقت آگ پر قابو پا لیا گیا تھا۔۔