سری نگر :۹، مئی:جی آر بیگ میموریل ٹرسٹ کی جانب سے جموں کشمیر میں منشیات مخالف سرگرمیاں جاری رکھتے ہوئے ٹرسٹ کے رضاکاروں نے منگل کو بھی کئی جگہوں پر پروگرامات منعقد کئے اور لوگوں کو اس حوالے سے خبرد ار کیا۔جے کے این ایس کے مطابق سرائے بالا سرینگر میں اقبال مارکیٹ کے پریذیڈنٹ نذیر احمد بنگرو اور محمد رفیق خان وائس پریذیڈنٹ کی قیادت میں منشیات مخالف مہم چلائی گئی جبکہ راجوری میں بھی ٹرسٹ کے رضاکاروں اور ذمہ داروں کی جانب سے اس حوالے سے کئی پروگرام منعقد کئے گئے۔ دریں اثناءجی آر بیگ میموریل ٹرسٹ کی جانب سے مجوزہ طبی کیمپ سوگام لولاب میں 13اور 14مئی کو منعقد کرنے کےلئے ٹرسٹ کی جانب سے تیاریاں شروع کردی گئیں ہیں جبکہ اس کیمپ کےلئے پروفیسر عرفان ربانی پرنسپل سکمز میڈیکل کالج بمنہ بھر پور تعاون فراہم کرہے ہیں جس پر ٹرسٹ کے چیرمین اشتیاق بیگ نے موصوف کا شکریہ اداکرتے ہوئے کہا ہے کہ انہوں نے وقت وقت پر سماجی خدمات میں ٹرسٹ کی مدد کی ہے۔