سکول پرنسپل چھیڑ چھاڑ کے الزام میں گرفتار، نوکری سے معطل، تحقیقات شروع

سری نگر// پولیس کی طرف سے گرفتار کیے جانے کے بعد، حکومت نے اب سری نگر کے مضافات میں چھیڑ کے الزام میں ایک اسکول کے پرنسپل کو معطل کر دیا ہے۔ملزم کی شناخت ذڈی بل سری نگر کے رہنے والے شبیر احمد میر کے طور پر کی گئی ہے جو سری نگر کے مضافات میں گنڈ ہسی بھٹ اسکول میں بطور پرنسپل تعینات تھا۔ابتدائی رپورٹس میں کہا گیا ہے کہ ملزم پرنسپل لڑکیوں کو رات کے اوقات میں غیر ضروری فون کالز کر رہا تھا، اور انہیں مضحکہ خیز بات چیت کرنے پر مجبور کر رہا تھا۔ چند طلباء نے اپنے والدین کو اطلاع دی جنہوں نے پولیس سے رجوع کیا اور ملزم کو گرفتار کر لیا۔
اسکول کا پرنسپل فی الحال پولیس حراست میں ہے اور اس کے خلاف مختلف دفعات کے تحت ایک کیس زیر نمبر 31کے تحت درج ہے۔ ادھر محکمہ تعلیم نے واقعہ کا نوٹس لیتے ہوئے ملزم ٹیچر کو معطل کر دیا ہے۔ انکوائری کا حکم دیاہے اور ملزم کو ڈائریکٹوریٹ آف سکول ایجوکیشن سے منسلک کر دیا گیا ہے۔انکوائری ٹیم کو مناسب سفارشات کے ساتھ مقررہ وقت پر رپورٹ مکمل کرنے کی ہدایت کی گئی ہے۔