سید اعجاز
پلوامہ//جموں و کشمیر وقف بورڑ کی چیر پرسن ڈاکٹر درخشاں اندابی نے کہا وقف کے رقومات میں اب کسی قسم کی چوری نہیں ہوگی بلکہ یہ رقم تعمیر و ترقی میں صرف ہوگا۔انہوں نے بدھ کے جنوبی کشمیر کے ضلع پلوامہ کے نیوہ علاقے میں واقع سید سلطان فخر الدینؒ کی زیارت شریف پر حاضری دینے اور ایک دربار منعقد کرنے کے بعد میڈیا نمائندوں کے ساتھ بات چیت کے دوران ان باتوں کا اظہار کیا ہے ۔چیر پرسن نے کہا آج دعویٰ کے ساتھ کہ سکتے ہیں ہم ہمارے قدم وہی جا رہی ہے اب ہمارے پاس بھی الحمد اللہ چیرٹی بھی آتی ہے کوئی چوری نہیں ہے اب ہم تعمیر کے ساتھ آرہے ہیں انہوں نے کہا ”آپ لوگوں یا عام لوگوں کے دلوں میں مختلف قسم کے شکوک و شبہات تھے وہ بھی دور ہو جائیں گے کیوںکہ وقف بورڑ میں کوئی چوری نہیں ہوتی ہے ۔پیسہ ہے وہ تعمیر میں لگے ۔انہوں نے کہا ہم تعمیر بھی جلد از جلد کرنا چاہتے ہیں ۔ڈاکٹر درخشاں اندابی نے کہا گزشتہ سال کا مقصد تھا کہ ہم وقد کافعال بنائیں اور لوگوں تک پہنچائیں اور اب ہمار مقصد ہے کہ تعمیر وترقی ہو جائے ۔انہوں نے کہاہمارا مقصد ہے کہ ہم تعمیر پر زیادہ زور دیں اور یہی وجہ ہے کہ ہم ہر جگہ خود ہی جانا چاہتے ہیں اور کاغذی کارروائی بعد میں کرتے ہیں پہلے ہم خود جائزہ لیتے ہیں کہ اس درگاہ کا کیا حال ہے اور کسی طرح کی نئی تعمیر کی جائے ۔ انہوں نے یہاں مسجد کمیٹی اور دیگر لوگوں کی ایک بڑی تعداد بھی ان کے ساتھ ملاقی ہوئی ہے ۔انہوں نے یہ بھی کہا کہ وقف اراضی کا ایک ایک انچ جس پر کسی نے ناجائز قبضہ کیا ہوا ہے جلد ہی واپس حاصل کر لیا جائے گا۔اپوزیشن اتحاد کے بارے میں ایک سوال پر، انہوں نے کہا کہ چیلنج کے بغیر کوئی مزہ نہیں ہے اور وہ جانتے ہیں کہ بی جے پی نے عوام کی فلاح و بہبود کے لیے کام کیا ہے، اسی لیے وہ اکٹھے ہو رہے ہیں۔انہوں نے یہ بھی کہا کہ پارلیمنٹ اور اربن بلدیاتی انتخابات کے حوالے سے تیاریاں جاری ہیں۔ تاہم انہوں نے جموں و کشمیر میں اسمبلی انتخابات کے انعقاد کے بارے میں تبصرہ کرنے سے انکار کیا۔
