سری نگر :۴۱،جولائی :: لیفٹنٹ گورنر منوج سنہانے جمعہ کے روز واضح کیاکہ اب جموں وکشمیرمیں ہڑتال کالیں ماضی کی بات بن گئی ہیں ۔انہوںنے کہاکہ اب سال کے 365 دن جموں و کشمیر میں اسکول اور کالج بند ہونے کے بجائے پرامن طور پرمعمول کے مطابق کام کرتے ہیں ۔منوج سنہا نے ساتھ ہی کہاکہ جموں وکشمیر میں تمام شعبے پھل پھول رہے ہیں ۔جے کے این ایس کے مطابق امر سنگھ کالج سری نگر میں ایک تقریب سے خطاب کرتے ہوئے جموں و کشمیر کے لیفٹیننٹ گورنر منوج سنہا نے جمعہ کو کہا کہ تقریباً ہر سال کشمیر میں تقریباً ہر روز بند کی کال دیکھنے کو ملتی تھی لیکن اب وہ دن گئے جب وادی میں اسکول اور کالج بند رہیں گے۔ انہوں نے کہا کہ ہرتال کی کال ماضی کی بات ہے اور اب سال کے 365 دن پرامن طور پر گزر جاتے ہیں اور ہر روز اسکول اور کالج معمول کے مطابق کام کرتے ہیں
