نارستان کے بالائی حصے میں پھربادل پھٹ گیا،ندی نالوں میں تغیانی سے فصلوں کو پھر نقصان

سید اعجاز
ترال//ترال کے نارستان کے بالائی حصے میں جمعہ کی شام پھر ایک بار بادل پھٹنے کے نتیجے میں یہاں ندہی نالوں میں بڑے پیمانے پر تغیانی آئی ہے جس کے نتیجے میں یہاں پھر ایک بار ندی نالوں میں تغیانی سے علاقے میں مختلف مقامات پر زمینوں میں موجود فصلوں کو نقصان پہنچا ہے جبکہ کئی ایک مقامات پر نالوں میں حفاظتی باند اور رابط سڑکوں کو نقصان پہنچایا ہے۔اس دوران علاقے میں کچھ مدت کے لئے بجلی کی سپلائی بھی متاثر ہوئی ہے تاہم علاقے میں موجود محکمہ بجلی کے ملازمین پورے علاقے میں دو بجلی ٹرانسفارمروں کو احتیاطی کو بند رکھا ہے۔علاقے میں تعینات محکمہ کے جو نیئر انجینئر اعجاز احمد نے بتایا شام دیر گئے تک علاقے میں ملازمین نے فیلڈ میں متاثرہ سپلائی کو بحال کرنے کی کوشش کی ہے جس کو چند ایک مقامات پر تیز بہاووالے پانی نے کئی کھمبوں کونقصان پہنچا کر سپلائی متاثر کی ہے انہوں نے بتایا کہ وانٹی ناڈ کے مقام پر2بجلی ٹرانسفارمروں کواحتیاطی طور بند رکھنا پڑا ہے جبکہ باقی تحصیل میں سپلائی کو بحال کیا گیا ہے