سید اعجاز
ترال//اپنی پارٹی یوتھ ونگ کے صوبائی سیکٹری و ڈی ڈی سی ممبر آری پل ترال منظور احمد گنائی نے اتوار کے روز ترال کے گڈ پورہ اور نہر نامی گاﺅں کا دورہ کیا ہے جہاں گزشتہ دنوں نہر ترال میں محکمہ پشو پالن کا ایک بہادر ملازم عاشق حسین شاہ دوران ڈیوٹی ایک بہلک میں سخت علیل ہونے کے بعد ہسپتال میں زیر علاج رہنے کے بعد انتقال کر گئے ۔اس کے علاوہ منظور گنائی گڈ پورہ گئے جہاں چند روز پہلے گاﺅں کے سرپنچ گرمیت سنگھ عرف دیپا کی والدہ انتقال کر گئی ۔انہوں نے دونوں کے گھر جا کر ان کے لواحقین کے ساتھ تعزیت کا اظہار کیا ہے ۔گنائی نے اپنے ایک بیان میں بتایا کہ بنت کور ایک حلیم انسان تھی جو یہاں نہ صرف سکھ فرقے بلکہ مسلمانوں کی خیر خواہ تھی جبکہ مزکورہ خاتون نے جس انداز سے یہاں کے بھائی چارے کو مضبوط کیا ہے اس کو ہمیشہ یاد رکھا جائے گا ۔انہوں نے عاشق حسین کی موت پر زبردست افسوس کرتے ہوئے کہا کہ مزکورہ ملازم کے کام سے وہ طبقہ خوش تھا جن کی زندگی ہر روز مشکلات سے گزرتی ہے ۔انہوں نے بتایا عاشق حسین کے کام کاج سے گوجر بکروال اور چوپان طبقہ زبردست خوش تھے ۔انہوں ان کے حق میں دعاءمغفرت کی اور دونوں کے لواحقین کو یہ صدقہ عظیم برداشت کرنے کی رب کریم سے دعا کی ہے ۔
