سری نگر:۵۲، اگست: : جمعہ کی صبح جنوبی کشمیرمیں ہلکی بارش ہونے کے بعد سری نگرسمیت کشمیروادی کے بیشتر علاقوںمیں دوپہرتک مطلع ابرآلود رہا ،تاہم اسکے بعد آسمان صاف ہوگیا،اور دُھوپ نکل آئی ۔تاہم محکمہ موسمیات نے متعلقہ حکام کو جموں و کشمیر میں لینڈ سلائیڈنگ، طوفانی سیلاب کے پیش نظر محتاط رہنے کا مشورہ دیاہے۔جے کے این ایس کے مطابق جمعرات اور جمعہ کی درمیانی رات اور جمعہ کی صبح جنوبی کشمیرکے کئی علاقوںمیں ہلکی بارش ہوئی ،جسکے نتیجے میں لوگوںنے شدیدگرمی سے قدرے راحت محسوس کی ۔سری نگرسمیت کشمیر کے دیگر علاقوںمیں جمعہ کی صبح آسمان پر بادل چھائے رہے اوراس دوران ہلکی ہوائیںچلنے سے گرمی کی شدت اوررطوبت میں کمی آئی ۔تاہم بعددوپہر آسمان صاف ہوگیا،اور سری نگرسمیت پورے کشمیرمیں دھوپ چھائی رہی اور تیز دھوپ نکلنے سے گرمی کی شدت میں پھراضافہ ہوگیا۔اس دوران ایک بیان میں محکمہ موسمیات نے جمعہ کو متعلقہ حکام کو26 اگست تک محتاط رہنے کا مشورہ دیا ہے کیونکہ اونچائی پر ہونے والی بارش سے لینڈ سلائیڈنگ،اور نچلے علاقوں میں سیلابی ریلے آسکتے ہیں۔محکمہ موسمیات کے ڈپٹی ڈائریکٹر ڈاکٹر مختار نے جاری بیا ن میں بتایا کہ اگلے 24 گھنٹوں کے دوران جموں و کشمیر کے بکھرے ہوئے مقامات پر وقفے وقفے سے ہلکی سے درمیانی بارش کے امکان کے ساتھ عام طور پر ابر آلود موسم کی توقع ہے۔انہوں نے کہا کہ26، اگست کو موسم عام طور پر ابر آلود رہنے کی توقع کے ساتھ بکھری جگہوں پر وقفے وقفے سے ہلکی سے درمیانی بارش کا امکان ہے۔ ڈپٹی ڈائریکٹر ڈاکٹر مختار نے مزید کہاکہ اگرچہ تیز بارش کی کوئی پیش گوئی نہیں ہے، پھر بھی تمام متعلقہ افراد کو 25اور26 اگست کے دوران محتاط رہنے کا مشورہ دیا جاتا ہے کیونکہ اونچائی پر ہونے والی بارش سے لینڈ سلائیڈنگ
