کشمیربرف باری اور بارشوں کا سلسلہ تھم گیا،موسم میں بہتری درج

سری نگر11 نومبر , وادی کشمیر میں گزشتہ دو روز جاری برف باری اوربارشوں کا سلسلہ تھم گیا ہے تاہم شدید سردی کی لہر برابر جاری ہے اور درجہ حرارت میں نمایا گراوٹ آئی ہے محکمہ موسمیات نے11سے18نومبر تک موسم خشک رہنے کا امکان ہے ۔کشمیر نیوز سروس ( کے این ایس) کے مطابق گزشتہ دو روز کے دوران وادی کشمیر میں بالائی علاقوں میں برف باری اورمیدانی حصوں میں شدید بارشوں کے بعد سنیچر کی صبح سے ہی موسم میں بہتری آئی تاہم درجہ حرارت میں کمی واقع ہوئی ہے اورسردی کی شدت میں اضافہ دیکھنے میں آیا ہے۔برفباری کی وجہ سے رازدان پاس، زوجیلا پاس، کشتواڑ،اننت ناگ روڈ، مغل، پھرکیان گلی، مچل، سدنا ٹاپ، اور سری نگر سونمرگ روڈ سمیت کئی سڑکوں کو ٹریفک کی آمدورفت کے لیے بند کر دیا گیا۔سرینگر-جموں قومی شاہراہ اور سری نگر-سونمرگ؟ لداخ کو جوڑنے والی گمری سڑک پر ٹریفک بحال کر دی گئی ہے اور ٹریفک معمول کے مطابق چل رہی ہے،” جموں و کشمیر ٹریفک پولیس نے X پر کہا۔تاہم، انہوں نے کہا کہ جنوبی کشمیر کے شوپیاں ضلع کو جموں ڈویڑن کے جڑواں اضلاع راجوری اور پونچھ سے جوڑنے والی تاریخی مغل سڑک برف باری کے جمع ہونے کی وجہ سے بند ہے۔