وادی میںسردی کی لہر میں شدت کے ساتھ دھندکا قہر

سری نگر21 نومبر ,وادی کشمیر میں سردی کی لہر میں شدت آگئی کیونکہ کم از کم درجہ حرارت نقطہ انجماد سے نیچے گر گیا یہاں تک کہ گھنی دھند کے باعث منگل کی صبح سری نگر بین الاقوامی ہوائی اڈے پر پروازوں کی کارروائیوں میں خلل پڑا۔کشمیر نیوز سروس ( کے این ایس ) کے مطابق محکمہ موسمیات کے ایک عہدیدار نے بتایا کہ جنوبی کشمیر میں شوپیاں وادی میں سب سے سرد ریکارڈ کی گئی جگہ تھی کیونکہ کم سے کم درجہ حرارت منفی 3.9 ڈگری سیلسیس پر رہا، جب کہ سری نگر شہر میں پیر کی رات کو منفی 1.2 ڈگری سیلسیس ریکارڈ کیا گیا۔ عہدیدار نے بتایا کہ سری نگر شہر سمیت وادی کے بیشتر مقامات پر یہ سرد ترین رات تھی۔انہوں نے کہا کہ کشمیر کے گیٹ وے ٹاو¿ن قاضی گنڈ میں کم سے کم درجہ حرارت منفی 0.8 ڈگری سیلسیس ریکارڈ کیا گیا جبکہ گلمرگ سکی ریزورٹ میں کم سے کم درجہ حرارت منفی 0.6 ڈگری سیلسیس ریکارڈ کیا گیا۔ عہدیدار نے بتایا کہ سالانہ امرناتھ یاترا کے بیس کیمپ پہلگام میں کم سے کم درجہ حرارت منفی 2.9 ڈگری سیلسیس ریکارڈ کیا گیا جبکہ پلوامہ میں منفی 2.7 ڈگری سیلسیس ریکارڈ کیا گیا۔ کم از کم درجہ حرارت میں خاطر خواہ کمی کے نتیجے میں پرائمری کلاسز تک اسکولوں کو بند کرنے کا مطالبہ کیا گیا ہے۔ ایک بیان میں، جموں و کشمیر کی پرائیویٹ اسکولز ایسوسی ایشن نے پیر کو انتظامیہ سے کہا کہ وہ نچلے طبقوں کے لیے موسم سرما کی تعطیلات کا اعلان کرے۔کشمیر کے بیشتر حصوں کو دھند نے اپنی لپیٹ میں لے لیا جس سے صبح سویرے ٹریفک متاثر ہوئی۔دھند نے پیر اور منگل کو صبح کی پروازوں میں تاخیر کی ہے۔ ائیرپورٹ اتھارٹی آف انڈیا کے ایک اہلکار نے بتایا کہ ابتدائی اوقات میں مرئیت کم رہتی ہے۔