سری نگر22 نومبر ,ریڈیئنٹ پبلک اسکول، اننت ناگ نے بدھ کو اپنی سالانہ اچیومنٹ نمائش کے دوسرے مرحلے آرٹ اور کرافٹ کارنر کا انعقاد کیا ہے جہاں اس دوسرے مرحلے کا افتاح جوائنٹ ڈائر ایکٹر سکول ایجوکیشن نے کیا۔اس دوران مہماں خصوصی نے یہاں تعلیمی تبدیلی کے عالمی معیارات کے مطابق جامع ترقی کی قومی تعلیمی پالیسی (NEP) کے پروٹوکول پر عمل کرنے کے لیے ریڈیئنٹ پبلک اسکول کی تعریف کی ہے اور سکول کے ان کوششوں کی تعریف کی ہے۔دوسرے مرحلے میں بھی سکول میں زیر تعلیم بچوں کے ساتھ ساتھ ان کے والدین نے بھی شرکت کی ہے ۔نمائندے میر ارشد کے ساتھ بات کرتے ہوئے کچھ بچوں نے بتایا کہ انہیں اس پروگرام کو منعقد کرنے سے کافی فائدہ پہنچا ہے،یہاں زیر تعلیم طلبہ نے بتایا اس پروگرام میں بیٹھ کر ہمیں پتہ چلا ہے کہ یہ پروگرام بہت ضروری ہے ۔انہوں نے بتایا ہمیں امید ہے اس طرح کے پروگرام مستقبل میں بھی منعقد کئے جائیں گے۔کچھ والدین نے بھی اس پروگرام میں شرکت کی ہے انہوں نے بھی اس پروگرام کو منعقدچ کرنے پر سکول انتظامیہ کو مبارک باد پیش کی ہے ۔انہوں نے بتایامنعقدہ پروگرام سے بچوں کی دلچسپی بڑتی ہے اس طرح کے پروگرام منعقد کئے جانے چاہے۔ادھر جوائنٹ ڈائر ایکٹر نے اس اسکول کی کوششیں، بشمول تمام اسٹیک ہولڈرزکے کام کاج کو سراہا۔خیال رہے یہ پروگرام منگل کے روز شروع ہوا ہے اور یہ تین روزہ پروگرام جمعرات کو اختتام پزیر ہوگا۔جہاں پہلے ہی دن 300سے زائد طلباءنے اپنی نمایاں کامیابیوں کا مظاہرہ کیا۔