سید اعجاز
پلوامہ //اسسٹنٹ لیبر کمشنر پلوامہ حفصہ قیوم نے اپنی ٹیم کے ہمراہ اتوار کو ضلع کے مختلف بازاروں کا اچانک دورہ کیا۔ دورے کے دوران جموں و کشمیر شاپس اور اسٹیبلشمنٹس اور چائلڈ لیبر ایکٹ کی خلاف ورزی کرنے والوں پر 25ہزار روپے جرمانہ عائد کیا گیا۔لیبر قوانین پر عمل درآمد کرانے کے لیے اسسٹنٹ لیبر کمشنر پلوامہ حفصہ قیوم نے لیبر آفیسر اور لیبر انسپکٹر اور دیگر اہلکاروں کے ہمراہ ضلع کے مختلف بازاروں کا اچانک دورہ کیا، دورے کے دوران ٹیم نے جموں و کشمیر شاپس اینڈ اسٹیبلشمنٹ ایکٹ کے تحت معائنہ کیا اور پلوامہ، اونتی پورہ اور لیتھ پورہ میں چائلڈ لیبر ایکٹ معائنہ کے دوران انہیں بعض مقامات پر قواعد کی خلاف ورزیاں پائی گئیں جس کے بعد انہوں نے خلاف ورزی کرنے والوں پر 25 ہزار روپے جرمانہ عائد کیا۔ اس موقع پر اسسٹنٹ لیبر کمشنر نے تمام دکانداروں اور دیگر متعلقہ افراد کو محکمہ لیبر کے جاری کردہ قواعد پر عمل کرنے کی ہدایت کرتے ہوئے کہا کہ جو بھی قواعد کی خلاف ورزی کرتا ہوا پایا گیا اسے قانون کے مطابق سزا دی جائے گی۔