سری نگر26 نومبر ,گورنمنٹ ڈگری کالیج اونتی پورہ میں سیکنڈ سمسٹر کے بیک لاگ آئے ہوئے طالب علموں کا امتحانی مرکز کالج کے بجائے ضلع کے ایک دور افتادہ کالج میں قائم کیا گیا ہے جہاں تک طالب علموں کے مطابق انہیں اس سردی میں کئی گاڑیوں کو تبدیل کرنا ہے جس کی وجہ سے وہ پریشان ہیں ۔بیک لاگ والے طالب علموں کے ایک وفد نے کے این ایس کو بتایا کہ کالج میں زیر تعلیم متعدد بچوں کو الگ الگ مضامین کا بیک لاگ آیا ہے جس کے لئے انہوں باضابط طور فارم بھر دیا ہے ۔انہوں نے بتایا گزشتہ روز وہ اس بات کو دیکھ کر حیران ہوئے کہ ان کا امتحا نی مرکز مقامی کالج کے بجائے ضلع پلوامہ میں رکھا گیا ہے جس کی وجہ سے وہ سخت ذہنی پریشانیوں کا سامنا کررہے ہیں ۔بچوں نے بتایا اس موسم میں صبح سویرے اور شام کے اوقات میں انہیں اس دور افتادہ کالج میں امتحان دینے کے دوران طرح طرح کی پریشانیوں کا سامنا کرنا پڑے گا ۔انہوں نے کہا اگر یونیورسٹی ہمیں اپنے کالج باہر امتحان لینا چاہتی ہے تو اونتی پورہ کو ترال کالج قریب میں پڑتا ہے جہاں علاقے کے طالب علموں کو کسی پریشانی کا سامنا نہ کرنا پڑے۔طلباءنے یونیورسٹی انتظامیہ سے اپیل کی ہے کہ ان کا امتحانی مرکز اپنے کالج اونتی پورہ یا ترال میں رکھا جائے تاکہ انہیں سردی کے ان ایام میں کسی پریشانی کا سامنا نہ کرنا پڑے ۔