وِکست بھارت سنکلپ یاترا نے ضلع پلوامہ کو بااِختیار بنایا 17 ویں دِن شاندار کامیابی کے ساتھ اِختتام پذیر

پلوامہ /11 دسمبر2023ئوِکست بھارت سنکلپ یاترا ضلع پلوامہ کے رہائشیوں کے دل و دماغ کو اَپنی طرف متوجہ کر رہی ہے کیونکہ آج ضلع میںاِس کا 17 واں دن ہے۔یاترا نے 10 پنچایتوں کا احاطہ کرتے ہوئے ایک اہم سنگ میل کو حاصل کیاجس سے ضلع کی تمام 190 پنچایتوں کو شامل کرنے کے اَپنے مشن کی راہ ہموار ہوئی۔حکومت کو عوام کے قریب لانے کے لئے ڈیزائن کی گئی وِکست بھارت سنکلپ یاترا نے اس بات کو یقینی بنانے میں اہم کردار ادا کیا ہے کہ کوئی بھی پیچھے نہ رہے۔ سرکاری آفیسر کمیونٹیوںکے ساتھ ان کی دہلیز پر رابطے میں رہتے ہیں اور شہریوں اور گورننس کے درمیان براہ راست رابطے کو فروغ دیتے ہیں۔ضلع کی ثقافتی خوشحالی کو اُجاگر کرتے ہوئے ثقافتی پروگراموں کا ایک سلسلہ منعقد کیا گیاجس میں ’وکست بھارت سنکلپ یاترا ‘کے متحرک جوہر کو دکھایا گیا۔ اس تقریب میں متاثر کن ڈرون مظاہرے بھی پیش کئے گئے۔زندگی کے تمام شعبوں سے تعلق رکھنے والے لوگوں کی بڑی تعداد نے یاترا کی کامیابی کو اُجاگر کیا اور ”میری کہانی میری زبانی“ سیشن کے دوران مستفید ہونے والوں نے دل کی گہرائیوں سے تعریف کا اِظہار کیا۔ بہت سے لوگوں نے اس بارے میںداستانوں کا اشتراک کیا کہ کس طرح حکومتی اقدام نے ان کی زندگی پر گہرا اثر ڈالا ہے۔
اس دن کا پروگرام اپنے عروج پر پہنچ گیا اور وزیر اعظم کے خطاب کا بے صبری سے انتظار کیا گیا جنہوں نے وِکست بھارت سشکت بھارت کے بارے میں بصیرت افروز خیالات کا اِشتراک کیا۔ان کا خطاب بالخصوص 2047 تک ہندوستان کو ایک ترقی یافتہ ملک بننے کے راستے پر ان کی بصیرت کی گونج پورے تعلیمی اداروں میں سنائی دی۔علمی کمیونٹی نے توجہ سے سنا جو سماج کے مختلف طبقوں پر یاترا کے وسیع اثرات کی عکاسی کرتا ہے۔وِکست بھارت سنکلپ یاترا ضلع پلوامہ کے سماجی و اِقتصادی منظر نامے پر ایک انمٹ نشان چھوڑے گا۔