سرینگر 29 دسمبر // ضلع اننت ناگ میں کھیلوں کی سرگرمیوں کو فروغ دینے اور نوجوانوں میں کھیلوں کے جذبے کو ابھارنے کے لیے اننت ناگ پولیس نے اننت ناگ میں لڑکوں اور لڑکیوں یعنی دونوں کے لیے والی بال ٹورنمنٹ کا انعقاد کیا جو ڈی پی ایل اننت ناگ میں اختتام پذیر ہوا۔ لڑکوں کے ٹورنامنٹ میں کل 10 ٹیموں نے حصہ لیا اور فائنل میچ جی ڈی سی کھنہ بل اور جی ڈی سی اترسو کے درمیان کھیلا گیا جو جی ڈی سی کھنہ بل نے اپنے نام کیا او لڑکیوں کے ٹورنامنٹ میں 8 ٹیموں نے حصہ لیا اور فائنل میچ جی ڈی سی ویمنز اننت ناگ اور بلیو والی بال کلب اننت ناگ کے درمیان کھیلا گیا جو بلیو نے اپنے نام کیا ۔اختتامی تقریب کے دوران ایس ایس پی اننت ناگ شری ڈاکٹر جی وی سندیپ چکرورتی نے فاتح اور رنر اپ ٹیموں میں نقد انعامات ٹرافیاں تقسیم کیں۔ پریزنٹیشن تقریب کے اختتام کے بعد، شرکاءکے ساتھ بات چیت کرتے ہوئے، ایس ایس پی اننت ناگ نے ضلع میں وقتاً فوقتاً منعقد کی جانے والی کھیلوں کی سرگرمیوں پر بے حد خوشی کا اظہار کیا۔ انہوں نے وعدہ کیا کہ مستقبل میں بھی اس طرح کے کئی ٹورنامنٹ منعقد کیے جائیں گے اور جموں و کشمیر پولیس ضلع کے کھیلوں کے ٹیلنٹ کی حوصلہ افزائی کے لیے ہر ممکن کوشش کرے گا۔
MC/Urdu/23/1005