جموں / 29دسمبر2023ئ ناظم اطلاعات منگا شیرپا نے آج چندی گڈھ میں منعقدہ 61 ویں نیشنل رولر سکیٹنگ چمپئن شپ میں طلائی تمغہ جیتنے پر محکمہ کے ملازم گگن سنگھ جموال کو مبارک باد دی۔
منگا شیرپا نے گگن سنگھ جموال اور ان کی ٹیم کی جیت کو غیر معمولی قرار دیا اور مسلسل پانچویں بار گولڈ میڈل جیتنے پر ان کی سراہنا کی جب کہ آئندہ تمام قومی او ربین الاقوامی ٹور نامنٹوں میں ان کی کامیابی کے بارے میں پُر اُمید ہے۔ اُنہوں نے ہونہار کھلاڑی کی حوصلہ افزائی کی کہ وہ اَپنی کوششیں جاری رکھیں اور آنے والے دِنوں میں ڈی آئی پی آر کانام روشن کریں۔اُنہوں نے ان کی حوصلہ اَفزائی کی اور ان کے شاندار مستقبل کے لئے نیک خواہشات کا اِظہا رکیا۔
جوائنٹ ڈائریکٹر انفارمیشن (ہیڈکوارٹر)وویک پوری، جوائنٹ ڈائریکٹر انفارمیشن جموں اَتل گپتا، ڈپٹی ڈائریکٹر اِنفارمیشن (پی آر)ڈاکٹر وِکاس شرما اور دیگر سینئر اَفسران اور ملازمین نے بھی گگن سنگھ جموال اور ان کی ٹیم کے اَرکان کو جموںوکشمیر یوٹی کا نام روشن کرنے پر مُبارک باد دی۔
