طاریق لون
کپواڑہ: بی جے پی نے ڈاک بنگلو کپوارہ میں جمعہ کو وشو کرما اسکیم کے بارے میں بیداری کے سلسلے میں کارکنوں کی میٹنگ کا انعقاد کیا جس کا اہتمام پارٹی کے ضلع صدر او بی سی مورچہ عبدالمجید گنائی نے کیا تھا۔
میٹنگ کے مہمان خصوصی ضلع صدر کپواڑہ جاوید قراشی تھے ان کے علاوہ پارٹی کے دیگر لیڈران بشمول ریاستی ترجمان او بی سی مورچہ کپواڑہ جی ایم حجام، اسٹیٹ آئی ٹی سوشل میڈیا انچارج او بی سی مورچہ ہلال رضوان اور ضلع پربھاری او بی سی مورچہ غلام محمد حجام موجود تھے۔
یہاں یہ بات قابل ذکر ہے کہ میٹنگ وشوکرما اسکیم اور اس کے اہداف اور فوائد کے بارے میں تھی اور کے باوجود میٹنگ میں پارٹی کے درجنوں کارکنان شریک ہوئے۔
اس میٹنگ کے ذریعے مہمان خصوصی نے مرکزی اسپانسرڈ اسکیم وشوکرما کے مقصد کو شیئر کیا اور کارکنوں اور رہنماؤں پر زور دیا کہ وہ لوگوں کو وشوکرما کے بارے میں آگاہ کریں اور انہیں اسکیم کے تحت خود کو رجسٹر کرنے میں ان کی مدد کریں۔
