اوتنی پورہ فارسٹ ڈیویژن میں آگ لگنے کے کل6واردات رونما :ڈی ایف او

سید اعجاز
ترال//ڈویژنل فارسٹ آفیسر (DFO) فارسٹ رینج اونتی پورہ نے وسیم فاروق میر نے بتایا محکمہ جنگلات نے بتایا کہ محکمہ جنگلات کی جانب سے پبلک اوٹ ریچ پروگراموں کی وجہ سے جنگلات میں آگ لگنے کے کم واقعات رونما ہوئے ہیں ۔انہوںنے بتایا کہ اس حکمت عملی کی وجہ سے یہاں جنگل میں آگ لگنے کے کم واردات رونما ہوئے ہیں ۔ انہوں نے بتایا اونتی پورہ ڈیژن میںگزشتہ15روز میں آگ لگنے کے 5سے6واردات رونما ہوئے ہیں جس دوران آگ زیادہ تر گھاس پھوس والے حصوں میں لگ گئی ہے جہاں درختوں کو زیادہ نقصان نہیں ہوا ہے ۔ وسیم فاروق میرنے بدھ کے روز ترال رینج کا ایک روزہ دورہ کیاجس دوران انہوں نے یہاں کشمیر نوٹس سکیم کے کاغذات ان لوگوں کو فراہم کئے ہیں جو اس اسکیم کے حقدار اور مستحق ہیں انہوں نے کہا امسال کوئی قریب 24مستحق اور حقدار کنبوں کو سکیم کے دائرے میں لایا گیا ہے ۔خیال رہے اس سکیم کے تحت جنگل کے قریب رہائش پزیر لوگوں کو جنگلات میں برف باری یا کسی اور وجہ سے گری ہوئی لکڑی فراہم کی جاتی ہے ۔محکمے کا کہنا تھا اس لکڑی کی مدد سے مزکورہ لوگ اپنے مکانوں وغیرہ کی تعمیری کام مکمل کریں گے ۔