سری نگر/ 24جنوری2024ئصوبہ کشمیر کے تمام اَضلاع میں 75 ویں یوم جمہوریہ سے قبل آج فل ڈریس ریہرسل کا اِنعقاد کیا گیا۔فُل ڈریس ریہرسل 26 جنوری کو ہونے والے یوم جمہوریہ کی پریڈ کا پیش خیمہ ہے ۔سری نگرکے بخشی سٹیڈیم میں فل ڈریس ریہرسل کا اِنعقاد کیا گیا جہاںصوبائی کمشنر کشمیر وِجے کمار بدھوری نے ترنگا لہرایا۔ اُنہوں نے پریڈ کمانڈر ایس ایس پی لیاقت علی اور چاقو و چوبند دستوں سے سلامی بھی لی اور پریڈ دستوں کا معائینہ کیا۔اِس موقعہ پرضلع ترقیاتی کمشنر سری نگر ڈاکٹر بلال محی الدین بٹ ، پولیس اور ضلعی انتظامیہ کے سینئر افسران کے علاوہ مختلف محکموں کے سربراہان اور عملہ بھی موجود تھا۔صوبائی کمشنر کشمیر نے اپنے خطاب میں یوم جمہوریہ کی تقریبات کے لئے تیاریوں کے بارے میں پولیس اور نیم فوجی دستوں کے تمام حصہ لینے والوں دستوں اور طلباءکی تعریف کی۔اُنہوں نے اس بات پر زور دیا کہ کشمیر نے دیگر قومی اور مذہبی فیسٹولوں کے علاوہ جی۔20سمٹ کی کامیابی سے میزبانی کی ہے۔
سٹیڈیم میں بی ایس ایف، سی آر پی ایف، آئی ٹی بی پی، ایس ایس بی، جے کے اے پی، آئی آر پی، خواتین دستے، ایس ڈی آر ایف، فائر اینڈ ایمرجنسی، فارسٹ پروٹیکشن فورس، این سی سی دستوں، پائپ بینڈ، براس بینڈ اور مختلف سکولوں کے طلباءکے پُرجوش اور حب الوطنی کا مظاہر ہ کیا گیا۔
طلبا¿ نے حب الوطنی کے گیت وندے ماترم اور اے وادی¿ کشمیر بہاروں میں ملیں گے پر پرفارمنس کے علاوہ میش اَپ سانگ اور فیوژن سانگ پر ثقافتی پرفارمنس پیش کی۔ نوجوانوں کو منشیات لت سے بچانے کے لئے ہر ذمہ دار شہری کی توجہ مبذول کرنے کے لئے فنکاروں کی جانب سے منشیات کے اِستعمال پر ایک سکٹ بھی پیش کیا گیا۔
صوبائی کمشنر نے تقریب کے موقعہ پر میڈیا اَفراد سے بات کرتے ہوئے تمام شہریوں کو بخشی سٹیڈیم میں یوم جمہوریہ کی تقریب کے مرکزی تقریب میں مدعو کیا۔
گاندربل میںضلع ترقیاتی کمشنرگاندربل شیامبیر نے ترنگا لہرایا، مارچ پاسٹ پر سلامی لی اور قمریہ¿ سٹیڈیم گاندربل میں منعقدہ یوم جمہوریہ کی تقریبات کی فُل ڈریس ریہرسل کے دوران پریڈ کا معائینہ کیا۔
جے کے پی ، جے کے اے پی ، سی آر پی ایف ، ایس ایس بی ، پی ٹی ایس منیگام ، فارسٹ پروٹیکشن فورس ، ایس پی او گاندربل ، ضلع پولیس ، ہوم گارڈ ، فائر سروس گاندربل اور مختلف سکولوں کے طلبا¿نے مارچ پاسٹ پیش کیا۔
فُل ڈریس ریہرسل میں طلبا¿ کی جانب سے ایک رنگا رنگ ثقافتی شو پیش کیا گیا جس میں حب الوطنی کے گیت اور لوک رقص بھی پیش کئے گئے۔