لوک سبھا انتخابات کے سلسلے میں پیپلز ڈیموکرٹیک پارٹی کی جانب سے امید واروں کا اعلان

سرینگر /07اپریل / لوک سبھا انتخابات کے سلسلے میں پیپلز ڈیموکرٹیک پارٹی ( پی ڈی پی ) نے امید واروں کا اعلان کرتے ہوئے کہا کہ اننت راجوری سیٹ سے پارٹی صدر محبوبہ مفتی ، سرینگر سے وحید الرحمان پرہ اور بارہمولہ سیٹ سے فیا ض احمد میر امید وار ہونگے ۔ سی این آئی سرینگر میں پارٹی ہیڈ کواٹر پر ایک پریس کانفرنس سے خطا ب کرتے ہوئے پی ڈی پی صدر محبوبہ مفتی نے کہا کہ انہوں نے وادی کشمیر میں تین سیٹوں پر الیکشن لڑنے کا فیصلہ لیا ہے اور جموں میں کانگریس کو غیر مشروط حمایت فراہم ہو گی ۔ پریس بریفنگ میں پی ڈی پی کے سینئر رہنما اور سابق وزیر سرتاج مدنی نے کہا کہ پارٹی سربراہ محبوبہ مفتی اننت ناگراجوری سیٹ سے ان کی امیدوار ہوں گی، جبکہ پارٹی یوتھ صدر وحید پرہ سرینگر حلقہ سے الیکشن لڑیں گے۔انہوں نے کہا کہ راجیہ سبھا کے سابق ایم پی فیاض میر، جو حال ہی میں پارٹی میں واپس آئے ہیں بارہمولہ حلقہ سے اس کے امیدوار ہوں گے۔خیال رہے کہ محبوبہ مفتی کا مقابلہ نیشنل کانفرنس کے میاں الطاف اور ڈی پی اے پی چیئرمین غلام نبی آزاد سے اننت ناگ راجوری حلقہ میں ہوگا، جب کہ بی جے پی اور دیگر علاقائی پارٹیوں نے ابھی اس سیٹ سے اپنے امیدواروں کا اعلان نہیں کیا ہے۔فیاض میر پیپلز کانفرنس کے چیئرمین سجاد لون اور جیل میں نطر بند انجینئر رشید کے ساتھ سینگ بند کریں گے کیونکہ نیشنل کانفرنس، بی جے پی اور دیگر علاقائی پارٹیوں نے بارہمولہ لوک سبھا سیٹ کے لیے اپنے امیدواروں کا اعلان کرنا ابھی باقی ہے۔ اس دوران سرینگر میں پارٹی ہیڈ کواٹر پر ایک پریس کانفرنس سے خطا ب کرتے ہوئے پی ڈی پی صدر محبوبہ مفتی نے کہا کہ انہوں نے وادی کشمیر میں تین سیٹوں پر الیکشن لڑنے کا فیصلہ لیا ہے اور جموں میں کانگریس کو غیر مشروط حمایت فراہم ہو گی ۔