اننت ناگ:۳۲، اپریل: : جموں وکشمیر پولیس کے سربراہ آر آر سوین نے پیر کے روز جنوبی ضلع اننت ناگ میں منعقدہ ایک مشترکہ سیکورٹی میٹنگ کی صدارت کی۔ میٹنگ میں موصوف کو لوک سبھا انتخابات کے لیے کیے جارہے انتظامات کے بارے میں بریفنگ دی گئی۔جے کے این ایس کے مطابق جموں و کشمیر ڈی جی پی آر آر سوین نے جنوبی کشمیر کے اننت ناگ ضلع میں منعقدہ افسروں کی ایک مشترکہ میٹنگ میں آنے والے لوک سبھا انتخابات کے لیے سکیورٹی تیاریوں کا جائزہ لیا۔ میٹنگ کا مقصد انتخابات کے لیے تعینات فورسز کی تیاریوں کا جائزہ لینا تھا، تاکہ انتخابات کے پ ±رامن اور کامیاب انعقاد کو یقینی بنایا جائے۔میٹنگ کے دوران ڈی جی پی نے جموں و کشمیر پولیس، سی آر پی ایف، فوج، آئی ٹی بی پی، بی ایس ایف، ایس ایس بی اور انٹیلی جنس ایجنسیوں کے سینئر افسران کے ساتھ تفصیلی بات چیت کی۔ اجلاس میں انتخابات کے پ ±رامن انعقاد کے لیے کیے گئے سکیورٹی انتظامات پر غور کیا گیا۔ ڈی جی پی نے پ ±رامن طریقہ سے انتخابات کو یقینی بنانے کے لیے بنائے گئے مختلف منصوبوں کے بارے میں افسران سے جانکاری طلب کی۔اجلاس کے دوران مختلف علاقوں میں تعینات اہلکاروں کے قیام کے حوالے سے انتظامات اور ان کی نقل و حرکت، صحت کی دیکھ بھال، بجلی نظام اور موسم کی ضرورت کے مطابق دیگر مطلوبہ سہولیات پر بھی تبادلہ خیال کیا گیا۔میٹنگ کے دوران، انتخابی مدت سے پہلے اور اس کے دوران ، پولیس سکیورٹی فورسز اور فوج کے درمیان ہم آہنگی اور آپسی تال میل پر زور دیا گیا۔ڈی جی پی جموں و کشمیرآر آر سوین نے میٹنگ کے دوران خطاب کرتے ہوئے شرکاءپر زور دیا کہ وہ امیدواروں اور پولنگ بوتھوں کی سکیورٹی کے لیے ایکشن پلان پر سختی سے عمل درآمد کریں۔انہوں نے کہا کہ پولنگ بوتھوں کی سکیورٹی کے انتظامات کو حساسیت کو مدنظر رکھتے ہوئے موثر طریقے سے کیا جائے۔ اجلاس میں جمہوری اقدار اور اصولوں کو برقرار رکھنے اور انتخابی عمل کے تقدس کے تحفظ کے لیے تمام قوتوں کے اجتماعی اور حکمت عملی سے کام کرنے کے عزم کا اعادہ کیا گیا۔میٹنگ میں اے ڈی جی سی آر پی ایف، راجیش کمار، اے ڈی جی پی لا اینڈ آرڈر وجے کمار، جی او سی وکٹر فورس میجر جنرل بلبیر سنگھ، آئی جی سی آر پی ایف، اجے کمار یادو، آئی جی سی آر پی ایف جی کے ورما، آئی جی بی ایس ایف شری اشوک یادو نے شرکت کی